Հա

Քաղաքական

26/05/2021 - 13:30

«Համակարգի որոշումները չեն ունենայ օրինականութիւն, եթէ չունենան ժողովրդի աջակցութիւնը»․ Ռոհանի

Կառավարութեան այսօրւայ նիստի ընթացքում, Հանրապետութեան նախագահ դոկտ. Հասան Ռոհանին ի թիւս այլ հարցերի, յատուկ անդրադարձել է առաջիկայ նախագահական ընտրութիւններին եւ դրանց մրցակցային բնոյթի անհրաժեշտութեանն ու կարեւորութեանը:

«alikonline.ir» - Կառավարութեան այսօրւայ նիստի ընթացքում, Հանրապետութեան նախագահ դոկտ. Հասան Ռոհանին ի թիւս այլ հարցերի, յատուկ անդրադարձել է առաջիկայ նախագահական ընտրութիւններին եւ դրանց մրցակցային բնոյթի անհրաժեշտութեանն ու կարեւորութեանը. հաղորդում է ԻՌՆԱ-ն:

«Բոլոր ընտրութիւնները, ներառեալ՝ խորհրդարանի, քաղխորհուրդների եւ Խոբրեգանի կարեւոր են: Նախագահական ընտրութիւններում, սակայն, փաստն այն է, որ անձը պէտք է դառնայ նախագահ, այլ ոչ թէ մի ընտրատարածքի պատգամաւոր, խմբակցութեան կամ կուսակցութեան ղեկավար: Նա պէտք է դառնայ նախագահ, այսինքն՝ հասարակութեան բոլոր խաւերի, ազգի ղեկավար, եւ սա շատ կարեւոր է»,- ասել է Նախագահը՝ յիշեցնելով, որ նախագահական ընտրութիւնները ժողովրդի ազատութեան եւ գիտակցութեան խորհրդանիշն են:

«Ժողովուրդը պէտք է մասնակցի ընտրութիւններին լիարժէք ազատութեամբ եւ իրազեկւածութեամբ, իսկ չափանիշը՝ նրա ընտրութիւնն է, այսինքն՝ պէտք է ապահովւեն անհրաժեշտ բոլոր հիմքերն ու նախապայմանները, որպէսզի ժողովուրդն ասպարէզ դուրս գայ եւ ընտրութիւններն արդիւնաւորւեն»,- ասել է նա:

Դոկտ. Ռոհանին շեշտել է, որ ընտրութիւնների հանրագումարը պէտք է դառնայ ազգային մաիսնականութիւնն ու ազգային անվտանգութիւնը:

«Ընտրութիւնները երաշխաւորում են համակարգի օրինականութիւնը: Դա է հիմնականը, որը, կարծես, թէ մոռացել ենք: Հիմնական խնդիրն ու նպատակը, ընտրութիւններին՝ ժողովրդի մասնակցութեան միջոցով համակարգի օրինականութեան պահպանումն է»,- նշել է նա:

Դոկտ. Ռոհանին յիշեցրել է. «Համակարգի որոշումները չեն ունենայ օրինականութիւն, եթէ չունենան ժողովրդի աջակցութիւնը:

Եթէ ընտրութիւններն անցնեն անշուք, եւ մարդկանց համար մութ կէտեր մնան, ապա ի՞նչ կը պատահի ազգային միասնականութեան հետ, ի՞նչ կը լինի ազգային շահը, ի՞նչ կը պատահի երկրի անվտանգութեան հետ: Ինչպիսի՞ն կը լինի համակարգի կարգավիճակը աշխարհում: Ուրեմն այս հարցը բազմաշերտ է, եւ պէտք է դրա մասին մտածել»:

Շեշտելով, որ ընտրութիւնների իմաստը կայանում է մրցակցութեան մէջ, Նախագահը զգուշացրել է, որ եթէ ընտրութիւնները պարպւեն մրցակցութիւնից, ապա դրանք կիմաստազրկւեն եւ, այլեւս, հնարաւոր չի լինի ապահովել ժողովրդի ակտիւ մասնակցութիւնը, դոկտ. Ռոհանին անուղղակիօրէն քննադատել է Պահապանների խորհրդին՝ նախագահական ընտրութիւնների վերջնական ցուցակը կազմելու հարցում միակողմանի եւ ճաշակային մօտեցում գործադրելու համար: Նա տեղեկացրել է, որ ստիպւած է եղել նամակ գրել Իսլ. յեղափոխութեան առաջնորդին, հայցելով նրա միջամտութիւնը՝ իրավիճակը փրկելու համար:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։