Հա

Քաղաքական

17/06/2021 - 08:40

«Ընտրութիւնները վեր են բոլոր տեսակի ճաշակային մօտեցումներից, բոլորը պէտք է մասնակցեն». Իսլ. յեղափոխութեան առաջնորդ

Երէկ՝ երեկոյեան, Իսլ. յեղափոխութեան առաջնորդ, այաթ. Սէյէդ Ալի Խամենէին հանդէս է եկել ժողովրդին ուղղւած հեռուստաուղերձով:

«alikonline.ir» - Երէկ՝ երեկոյեան, Իսլ. յեղափոխութեան առաջնորդ, այաթ. Սէյէդ Ալի Խամենէին հանդէս է եկել ժողովրդին ուղղւած հեռուստաուղերձով:

Իսլ. յեղափոխութեան առաջնորդն անդրադառնալով վաղը՝ յունիսի 18-ին կայանալիք նախագահական ընտրութիւններին, կարեւորել է ժողովրդի ակտիւ մասնակցութիւնը դրանց՝ շեշտելով, որ ընտրութիւնները վեր են ճաշակային բոլոր տեսակի մօտեցումներից, եւ բոլորը պէտք է մասնակցեն դրանց:

«Ընտրութիւնները, ինչպէս նահատակ Սոլէյմանիի յուղարկաւորութիւնը, վեր են բոլոր տեսակի ճաշակային մօտեցումներից, բոլորը պէտք է մասնակցեն»,- յատուկ ընդգծել է յեղափոխութեան առաջնորդը:

Անդրադառնալով թշնամիների՝ ժողովրդի մասնակցութիւնը նւազագոյնի հասցնելուն ուղղւած գործադրած ջանքերին եւ հակաքարոզչութեանը, այաթ. Խամենէին ասել է. «Մարդկանց, յատկապէս՝ անապահով խաւի դժգոհութիւնները՝ կենսաապահովման հետ կապւած խնդիրների մասին, արդարացի են, բայց այդ խնդիրները պէտք է լուծւեն ուժեղ, աշխատունակ, հզօր եւ անխոնջ անձի ընտրելով, եւ ուրբաթ օր, Աստծոյ կամօք, հակառակ թշնամիների ցանկութեանը, ժողովուրդը եւս մէկ անգամ պատիւ կապահովի Իրանի եւ Իսլամական Հանրապետութեան համար ու տարբեր քաղաքական ճաշակներով բոլոր խաւերն ասպարէզ կիջնեն, եւ ինչպէս նահատակ Սոլէյմանիի յուղարկաւորութիւնը, վեր ճաշակային մօտեցում կը ցուցաբերեն»:

 

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։