Հա

Քաղաքական

26/06/2021 - 12:50

«Յեղափոխութեան առաջնորդի կողմից իրանական պատւաստանիւթի օգտագործումը լաւագոյն խրախուսանքն է գիտնականների համար». Ռոհանի

Պէտք է հպարտանանք երկրում հակակորոնավիրուսային պատւաստանիւթ արտադրելու համար: Այս մասին այսօր՝ յունիսի 26-ին Կորոնավիրուսի դէմ ազգային շտաբի հերթական նիստի ժամանակ յայտարարել է Հանրապետութեան նախագահ դոկտ. Հասան Ռոհանին՝ յաւելելով, որ յեղափոխութեան առաջնորդի կողմից իրանական պատւաստանիւթի օգտագործումը լաւագոյն խրախուսանքն է գիտնականների համար:

«alikonline.ir» - Պէտք է հպարտանանք երկրում հակակորոնավիրուսային պատւաստանիւթ արտադրելու համար: Այս մասին այսօր՝ յունիսի 26-ին Կորոնավիրուսի դէմ ազգային շտաբի հերթական նիստի ժամանակ յայտարարել է Հանրապետութեան նախագահ դոկտ. Հասան Ռոհանին՝ յաւելելով, որ յեղափոխութեան առաջնորդի կողմից իրանական պատւաստանիւթի օգտագործումը լաւագոյն խրախուսանքն է գիտնականների համար. տեղեկացնում է ԻՌՆԱ-ն:

Անդրադառնալով իրանական պատւաստանիւթի արտադրութեան գործընթացին, Նախագահը նշել է, որ տեղական արտադրութեան պատւաստանիւթ ունենալու մասին որոշումը տեղին եւ ճիշտ է եղել:

Ըստ նրա՝ պէտք է հպարտանալ այն փաստով, որ Իրանին յաջողւել է դառնալ աշխարհի այն բացառիկ երկրներից, որին յաջողւել է ունենալ սեփական արտադրութեան պատւաստանիւթ:

«Մեր գիտնականներին եւ գիտելիքայեն ընկերութիւններին յաջողւեց իրականացնել պատւաստանիւթի արտադրութեան առաջադրանքը: Իրանի Իսլամական Հանրապետութեան համար մեծ պատիւ է այսքան կարճ ժամանակահատւածում երկար ճանապարհ անցնել, եւ պատւաստանիւթն էլ ընդունւել ու լիցենզաւորւել է»,- նշել է նա:

Խօսելով Իսլ. յեղափոխութեան առաջնորդի կողմից իրանական արտադրութեան պատւաստանիւթի ընդունման փաստի մասին, դոկտ. Ռոհանին ասել է. «Երէկ Իսլ. յեղափոխութեան առաջնորդն իրանական արտադրութեան պատւաստանիւթ ընդունեց: Իրանական պատւաստանիւթ ընդունելու մասին յեղափոխութեան առաջնորդի որոշումը չափազանց արդիւնաւէտ խրախուսանք էր մեր գիտնականների համար»:

 

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։