Հա

Քաղաքական

03/08/2021 - 13:10

«Նկատի առնելով երկրի իրավիճակը նպատակայարմար չէ կառավարութեան ձեւաւորման ձգձգումը». Իսլ. յեղափոխութեան առաջնորդ

Երկրի պայմանները չեն ենթադրում կառավարութեան ձեւաւորման ձգձգում: Այս մասին այսօր՝ օգոստոսի 3-ին, Իսլ. յեղափոխութեան առաջնորդի կողմից նախագահի պաշտօնում նշանակման մասին հրամանագրի յանձնման արարողութեան ժամանակ յայտարարել է Իսլ. յեղափոխութեան առաջնորդ այաթ. Սէյէդ Ալի Խամենէին:

«alikonline.ir» - Երկրի պայմանները չեն ենթադրում կառավարութեան ձեւաւորման ձգձգում: Այս մասին այսօր՝ օգոստոսի 3-ին, Իսլ. յեղափոխութեան առաջնորդի կողմից նախագահի պաշտօնում նշանակման մասին հրամանագրի յանձնման արարողութեան ժամանակ յայտարարել է Իսլ. յեղափոխութեան առաջնորդ այաթ. Սէյէդ Ալի Խամենէին. հաղորդում է ԻՌՆԱ-ն: 

Իր ելոյթում Իսլ. յեղափոխութեան առաջնորդը երախտագիտութիւն է յայտնել շրջանավարտ նախագահին եւ կառավարութեանը, եւ յաջողութիւն է մաղթել նորընտիր նախագահին եւ ապագայ կառավարութեանը՝ կարեւորելով նոր կառավարութեան օր առաջ ձեւաւորումը: 

«Երկրի պայմանները չեն ենթադրում կառավարութեան ձեւաւորման ձգձգում: Ե՛ւ յարգելի նախագահը պէտք է արագացնի խորհրդարանին իր առաջարկած նախարարների ներկայացումը, ե՛ւ յարգելի խորհրդարանը պէտք է շտապի հաստատել եւ յստակ մեկնաբանութիւններ տալ նախարարների մասին, որպէսզի, Աստծոյ կամօք, կառավարութիւնն օր առաջ ձեւաւորւի եւ սկսի աշխատել»,- ասել է այաթ. Խամենէին: 

Իսլ. յեղափոխութեան առաջնորդը նորընտիր նախագահին եւ գալիք կառավարութեանը յորդորել է ուշադրութիւն դարձնել ժողովրդի պահանջներին եւ ջանք չխնայել ժողովրդին մտահոգող հարցերի կարգաւորման համար: Միեւնոյն ժամանակ, այաթ. Խամենէին կառավարութեանը կոչ է արել մշտապէս ընթացք տալ մասնագէտներին, լսել նրանց քննադատութիւնները եւ օգտագործել նրանց կարծիքներն ու առաջարկները՝ առկայ խնդիրների կարգաւորման համար:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։