Հա

Քաղաքական

04/09/2021 - 09:50

«Անհրաժեշտ է գործնական դարձնել Չինաստանի հետ ռազմավարական համագործակցութեան համաձայնագիրը». Ամիր Աբդօլլահեան

ԱԳ նախարար Հոսէյն Ամիր Աբդօլլահեանը հեռախօսազրոյց է ունեցել Չինաստանի ԱԳ նախարար Վանգ Իի հետ:

«alikonline.ir» - ԱԳ նախարար Հոսէյն Ամիր Աբդօլլահեանը հեռախօսազրոյց է ունեցել Չինաստանի ԱԳ նախարար Վանգ Իի հետ:

Հեռախօսազրոյցի ընթացքում, Չինաստանի ԱԳՆ-ն շնորհաւորել է նախարար Հոսէյն Ամիր Աբդօլլահեանին նոր պաշտօնի ստանձման առիթով՝ կարեւորելով, Իրանի որոշիչ եւ առանցքային դերակատարութիւնը՝ տարածաշրջանային զարգացումների համատեքստում:

«Իրանի հետ յարաբերութիւններում՝ Չինաստանը առաջնորդւում է բազմակողմ, երկկողմ, փոխադարձ շահերի վրայ հիմնւած կապերի ամրապնդումը ապահովելու ուղղութեամբ»,- նշել է Չինաստանի ԱԳ նախարարը՝ աւելացնելով, որ որեւէ խոչընդոտ չի կարող արգելք հանդիսանալ՝ Չինաստանի եւ Իրանի յարաբերութիւններում:

Անդրադառնալով Չինաստանի արտաքին եւ միջազգային քաղաքականութեան ռազմավարական դրոյթներին, այդ երկրի արտաքին քաղաքական գերատեսչութեան ղեկավարը նշել է, որ Չինաստանի ղեկավարութիւնը ջանքեր է գործադրում՝ աշխարհում միակողմանութեանը տանող քաղաքականութեան վերացման ուղղութեամբ:

Մեր երկրի ԱԳ նախարարն էլ իր հերթին շնորհակալութիւն է յայտնել չինաստանցի իր գործընկերոջը նշել է, որ Իրանը կարեւորում է Չինաստանի հետ բարեկամական գործընկերութեան զարգացումն ու խորացումը եւ համագործակցութեան սերտացումը:

«Իրանը հետամուտ է՝ ամրապնդելու, խորացնելու, գործնական դարձնելու առանձնայատուկ ռազմավարական գործընկերութիւնը, դաշնակցային փոխյարաբերութիւնները Չինաստանի հետ»,- նշել է Ամիր Աբդօլլահեանը՝ աւելացնելով, անհրաժեշտ է ակտիւացնել երկկողմ բարձրաստիճան շփումները:

 

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։