Հա

Քաղաքական

06/09/2021 - 12:00

«Համանախագահների նիստը, սովորական բնոյթ է կրում». Խաթիբզադէ

Իրանի եւ Ատոմային էներգիայի միջազգային գործակալութեան միջեւ համագործակցութիւնները բարձր մակարդակում են գտնւում: Այս մասին այսօր՝ սեպտեմբերի 6-ին, հերթական մամլոյ ասուլիսի ընթացքում յայտարարել է ԱԳ նախարարութեան պաշտօնական ներկայացուցիչ Սայիդ Խաթիբզադէն՝ նշելով, որ երկու կողմերի միջեւ երկխօսութիւններ են շարունակւում՝ կանոնակարգւած կերպով:

«alikonline.ir» - Իրանի եւ Ատոմային էներգիայի միջազգային գործակալութեան միջեւ համագործակցութիւնները բարձր մակարդակում են գտնւում: Այս մասին այսօր՝ սեպտեմբերի 6-ին, հերթական մամլոյ ասուլիսի ընթացքում յայտարարել է ԱԳ նախարարութեան պաշտօնական ներկայացուցիչ Սայիդ Խաթիբզադէն՝ նշելով, որ երկու կողմերի միջեւ երկխօսութիւններ են շարունակւում՝ կանոնակարգւած կերպով. հաղորդում է ԻՌՆԱ-ն:

Աֆղանստանի Փանջշիր նահանգում տեղի ունեցող վերջին զարգացումներին, Պակիստանի կառավարութեան եւ Թալիբանի միջեւ համագործակցութիւնների հետեւանքով այդ քաղաքի խաղաղ բնակչութեան դէմ ուղղւած գործողութիւններին եւ սպանութիւններին անդրադառնալով, Խաթիբզադէն նշել է, որ Իրանը հետեւում է Փանջշիրի զարգացումներին, մտահոգւած է իրավիճակի վերաբերեալ եւ դատապարտում է այն ամենաբարձր մակարդակով:

«Աֆղանստանի առաջնորդների սպանութիւնը ցաւալի է: Անհրաժեշտ է պարզել արդեօ՞ք այն տեղի է ունեցել արտաքին ուժերի միջամտութեան արդիւնքում, թէ՞ ոչ»,- նկատել է Խաթիբզադէն:

«Պատմութիւնը վկայում է, որ Աֆղանստանի ներքին գործերում արտաքին եւ ներքին ուժերի միջամտութեան հետեւանքները, ձախողման է տարել, մասնաւորապէս միջամտող ուժերին: Աֆղանստանի ժողովուրդը անկախութիւն սիրող, կերտող ժողովուրդ են, հետեւաբար ցանկացած արտաքին միջամտութիւն Աֆղանստանի ներքին գործերում դատապարտելի է»,- նշել է Խաթիբզադէն՝ աւելացնելով, որ Փանջշիրի հարցը ունի միայն՝ մէկ, քաղաքական լուծում:

«Փանջշիրի շրջափակումը՝ ե՛ւ միջազգային իրաւունքի ե՛ւ մարդու իրաւունքի համաձայն անընդունելի է»,- յստակեցրել է ԱԳ նախարարութեան պաշտօնական ներկայացուցիչը:

Պատւաստանիւթերի երկիր ներմուծման ծաւալների աճին միտւած նախաձեռնութիւններին անդրադառնալով, Խաթիբզադէն նշել է, որ 20 մլն. դեղաչափ պատւաստանիւթ երկիր կը ներմուծւի սեպտեմբեր ամսին, իսկ հոկտեմբերին, կը հասնի արդէն մի քանի տասնեակ մլն.-ի:

Ըստ Խալիբզադէի՝ Ատոմային էներգիայի միջազգային գործակալութեան հարթակը, քաղաքական նպատակներով իւրացնելը կարող է ստանալ Իրանի համապատասխան արձագանգը:

«Այդ գործակալութեան եւ Իրանի միջեւ յարաբերութիւնները հիմնւած են փոխադարձ յարգանքի եւ բարիդրացիականութեան սկզբունքի վրայ: Կողմերից ոչ մէկին խորհուրդ չենք տայ՝ միջամտել այդ յարաբերութիւններում»,- նշել է նա՝ աւելացնելով, որ բոլոր տեսակի բանակութիւնները պէտք է երաշխաւորեն Իրանի ժողովրդի շահերը:

Ինչ վերաբերում է Միջուկային էներգիայի միջազգային գործակալութեան համանախագահների յառաջիկայում նախատեսւած նիստին, ապա, Խաթիբզադէն նշել է, որ այն կրում է սովորական բնոյթ եւ կողմերը այդ հարցում չպէտք է սխալ հաշւարկներ կատարեն:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։