Հա

Քաղաքական

09/09/2021 - 08:30

«Ոչ կառուցողական գործողութիւնները խոչընդոտում են բանակցային գործընթացը». Նախագահ Ռէյիսի

Հանրապետութեան նախագահ Սէյէդ Էբրահիմ Ռէյիսին հեռախօսազրոյց է ունեցել Եւրոպայի խորհրդի ղեկավար Շառլ Միշէլի հետ:

«alikonline.ir» - Հանրապետութեան նախագահ Սէյէդ Էբրահիմ Ռէյիսին հեռախօսազրոյց է ունեցել Եւրոպայի խորհրդի ղեկավար Շառլ Միշէլի հետ. հաղորդում է ԻՌՆԱ-ն:

Հեռախօսազրոյցի ընթացքում Հանրապետութեան նախագահը նշել է, որ Իրանը ցանկանում է կառուցողական յարաբերութիւններ ունենալ Եւրոմիութեան եւ եւրոպական երկրների հետ՝ երկկողմ եւ ընդհանուր հետաքրքրութիւնների շրջանակում:

«Եւրոմիութեան հետ կառուցողական յարաբերութիւնները պէտք է ձեւաւորւեն փոխադարձ յարգանքի, երկուստեք հետաքրքրութիւն ներկայացնող հարցերի եւ փոխըմբռնումների հիմնաւորումներով»,- նշել է նախագահը՝ աւելացնելով, որ այն պահանջում է համատեղ ներուժի եւ կամքի գործադրում:

Զրոյցի ընթացքում Հանրապետութեան նախագահը կարեւորել է երկկողմ յարաբերութիւնների ձեւաւորման ուղղութեամբ արտաքին ուժերի միջամտութեան բացառումը:

Զրոյցակիցները անդրադարձել են Աֆղանստանի վերջին զարգացումներին`նախագահը՝ նշելով, որ այդ հիմնախնդրի լուծումը պահանջում է համընդհանուր երկխօսութիւն եւ համագործակցութեան ծաւալում՝ խաղաղութիւն, կայունութիւն եւ առաջընթաց արձանագրելու համար:

Ատոմային էնէրգիայի միջազգային գործակալութեան հետ Իրանի համագործակցութեանն անդրադառնալով, նախագահ Ռէյսին նշել է, որ Իրանը փորձում է կառուցողական յարաբերութիւններ ունենալ այդ գործակալութեան հետ, սակայն, ոչ կառուցողական ակտերը չեն կարող նպաստել Միջուկային գործարքի վերականգնման եւ բանակցային գործընթացի վրայ:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։