Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանն իր թւիթերեան միկրոբլոգում գրառում է կատարել՝ անդրադառնալով, Որոտան գիւղի մօտ՝ ադրբեջանցիների կողմից երկու իրանցի վարորդի ապօրինի ձերբակալմանը:
«alikonline.ir» - Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանն իր թւիթերեան միկրոբլոգում գրառում է կատարել՝ անդրադառնալով, Որոտան գիւղի մօտ՝ ադրբեջանցիների կողմից երկու իրանցի վարորդի ապօրինի ձերբակալմանը:
«ԱԳՆ-ն (Իրանի) պէտք է հետամուտ լինի՝ Ադրբեջանի կողմից իրանցի վարորդների ձերբակալութեան հարցին եւ Իրանի բարիդրացիական քայլերի նկատմամբ՝ չարաշահումների կանխարգելմանը: Այդ գործողութիւնները խաթարում են տարածաշրջանային ճանապարհային անվտանգութիւնը»,- գրել է Արա Շահվերդեանը:
Նա նաեւ ահազանգել է (Իրանի) ԱԳ նախարարութեանը՝ անհետեւանք չթողնել Իրանի դէմ «խաղեր» խաղալու փորձերը:
Յիշեցնենք, որ Ադրբեջանցի դիմակաւորւած ու զինւած ծառայողները Գորիս-Կապան աւտոմայրուղու Որոտանի հատւածում տեղակայւած կէտում կանգնեցնում են իրանական բեռնատարների վարորդներին, ստուգում փաստաթղթերը, գումար պահանջում` հիմնաւորելով, որ իրենց երկրի տարածք մուտք գործելու համար հարկ պէտք է վճարեն։ Իրանցի երկու վարորդն արդէն ձերբակալւել են:
