Իրանի Իսլամական Հանրապետութիւնը թոյլ չի տայ, որ արտաքին միջամտութիւնը խզի իր յարաբերութիւնները հարեւան երկրների հետ: Ինչպէս փոխանցում է «Մեհր» գործակալութիւնը, նման յայտարարութեամբ է հանդէս եկել Իրանի ԱԳ նախարար Հոսէյն Ամիր Աբդօլլահեանը հայ պաշտօնակցի՝ ՀՀ ԱԳ նախարար Արարատ Միրզոյեանի հետ բանակցութիւնների աւարտին կայացած համատեղ ասուլիսի ժամանակ:
«alikonline.ir» - Իրանի Իսլամական Հանրապետութիւնը թոյլ չի տայ, որ արտաքին միջամտութիւնը խզի իր յարաբերութիւնները հարեւան երկրների հետ: Ինչպէս փոխանցում է «Մեհր» գործակալութիւնը, նման յայտարարութեամբ է հանդէս եկել Իրանի ԱԳ նախարար Հոսէյն Ամիր Աբդօլլահեանը հայ պաշտօնակցի՝ ՀՀ ԱԳ նախարար Արարատ Միրզոյեանի հետ բանակցութիւնների աւարտին կայացած համատեղ ասուլիսի ժամանակ:
«Այսօր մենք համաձայնել ենք զարգացնել համագործակցութիւնը տնտեսութեան, առեւտրի եւ զբօսաշրջութեան բոլոր ոլորտներում: Առեւտուրն ու Հայաստանով անցնող տարանցիկ ուղին շահագործելը երկու երկրի համար փոխադարձ մտահոգութեան թեմաներից են»,- ասել է իրանցի նախարարը:
«Մենք գործընթաց ենք մշակել, որը թոյլ կը տայ արագօրէն վերակենդանացնել երկու երկրի տարանցիկ ճանապարհները եւ ուղիները: Առաջիկայ շաբաթներին մենք առաւել մեծ ակտիւութիւն կը տեսնենք երկու երկրի յարաբերութիւններում: Մեր տարածաշրջանը եւ մեր հարեւանները ծանր իրավիճակում են որոշ հատւածներում սիոնիստական ռեժիմի եւ ահաբեկիչների ներկայութեան պատճառով»,- յաւելել է պաշտօնեան՝ ընդգծելով:
Վերջինս շեշտել է, որ իրենք «թոյլ չեն տայ որոշ երկրների ազդել հարեւան երկրների, այդ թւում՝ Հայաստանի հետ Իրանի յարաբերութիւնների վրայ»: «Մեր տարածաշրջանը ոչ մի դէպքում չի հանդուրժի նոր բարձրագոչ պահանջներ: Տարածաշրջանում առկայ խնդիրները պէտք է լուծւեն տարածաշրջանի ժողովուրդների կողմից՝ առանց արտաքին միջամտութեան»,- շեշտել է Աբդօլլահեանը:
