Անհրաժեշտ է համապատասխան քայլեր ձեռնարկել կիբեր յարձակումների պաշտպանութեան մակարդակը բարելաււելու ուղղութեամբ, եւ այդ սպառնալիքը չէզոքացնելու համար: Այս մասին յայտնել է Հանրապետութեան նախագահ այաթ. Սէյէդ Էբրահիմ Ռէյիսին՝ անդրադառնալով, վառելիքի կայանների կիբեր յարձակման վերաբերեալ միջադէպին:
«alikonline.ir» - Անհրաժեշտ է համապատասխան քայլեր ձեռնարկել կիբեր յարձակումների պաշտպանութեան մակարդակը բարելաււելու ուղղութեամբ, եւ այդ սպառնալիքը չէզոքացնելու համար: Այս մասին յայտնել է Հանրապետութեան նախագահ այաթ. Սէյէդ Էբրահիմ Ռէյիսին՝ անդրադառնալով, վառելիքի կայանների կիբեր յարձակման վերաբերեալ միջադէպին. հաղորդում է ԻՌՆԱ-ն:
«Երէկ, վառելիքի կայանների դէմ տեղի ունեցած կիբեր յարձակման միջադէպը, փաստում է, որ անհրաժեշտ է համապատասխան ներդրումներ իրականացնել կիբեր յարձակումների անվտանգութեան մակարդակի բարելաււման ուղղութեամբ»,- նշել է նախագահ Ռէյիսին:
Ըստ Հանրապետութեան նախագահի՝ այդ գործողութեան միջոցով, փորձ արւեց խաթարել մարդկանց կեանքը, որպէսզի այդ ուժերը կարողանան հասնել իրենց առջեւ ունեցած կոնկրետ նպատակների:
«Երէկւայ կիբեր յարձակման ժամանակ՝ պաշտօնեաները ոչ միայն խուճապի չմատնւեցին, այլեւ անմիջապէս կառավարեցին իրավիճակը, եւ ժողովուրդը նոյնպէս ցոյց տւեց իր գիտակցութիւնը, այս խնդրի վերաբերեալ՝ թոյլ չտալով, որեւէ մէկին չարաշահելու իրավիճակը»,- նշեց նախագահը:
Իր ելոյթի ընթացքում նախագահը կարեւորել է այդ ոլորտի զարգացման համար՝ անհրաժեշտ միջոցառումների կիրառումը, նոր կապիտալների ներգրաււումը:
