Հանրապետութեան նախագահի նահանգային այցելութիւնները բարձր գնահատելի են: Այս մասին ՖԱՐՍ-ի հետ զրոյցում յայտնել է Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը:
«alikonline.ir» - Հանրապետութեան նախագահի նահանգային այցելութիւնները բարձր գնահատելի են: Այս մասին ՖԱՐՍ-ի հետ զրոյցում յայտնել է Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը:
«Հանրապետութեան նախագահի որդեգրած սկզբունքը՝ նահանգային այցելութիւններ կատարելու վերաբերեալ գերազանց գնահատելի է, եւ հովանաւորութեան արժանի»,- նշել է նա՝ աւելացնելով, որ այդ այցերի արդիւնքներն անհրաժեշտ է տեղեկացնել ժողովրդին:
«Նահանգային այցերի վերաբերեալ անհրաժեշտ է համապատասխան ընթացակարգեր ճշտել՝ խոստումների կատարման հաշւետւողականութեան ապահովման ուղղութեամբ, որպէսզի ժողովուրդը տեղեկանան, թէ երբ են տեղի ունենալու խոստացւած որոշումները»,- ասել է պատգամաւորը:
Արա Շահվերդեանը նկատել է, որ որոշումների իրականացման վերաբերեալ կոնկրետ թւականներ չներկայացնելը կարող է ժողովրդի մօտ յուսահատութեան մթնոլորտ առաջացնել:
Նա յաւելել է, որ պատգամաւորները նոյնպէս նահանգային այցելութիւններ են կատարում, եւ երկու դէպքերում էլ՝ ե՛ւ նախագահի, ե՛ւ պատգամաւորների պարագային անհրաժեշտ է ապահովել խոստումների եւ որոշումների արդիւնաւէտութիւնը եւ հաշւետւողականութիւնը:
«Եթէ նահանգային այցելութիւնները արդիւնաւէտ չլինեն, ապա նախընտրելի է դրանց փոխարէն, բիւջէներ յատկացնել նահանգներին՝ սեփական խնդիրների լուծման ուղղութեամբ»,- յաւելել է նա:
