«Բանակցային գործընթացի յաջողութիւնն առջեւում է». Ուլեանով
«alikonline.ir»- Միջուկային գործարքի վերաբերեալ բանակցութիւնների յաջող արդիւնքներն առջեւում են: Այս մասին իր թւիթերեան միկրոբլոգում գրել է Վիեննայում տեղակայւած միջազգային կազմակերպութիւնների մօտ ՌԴ մշտական ներկայացուցիչ Միխայիլ Ուլեանովը:
Ուլեանովը կիսելով իր գործընկերոջ, Ֆրանսիայի ԱԳ նախարարութեան քաղաքական հարցերով ղեկավար Ֆիլիպ Էրէրայի բանակցութիւնների վերաբերեալ գրառումն, ընդգծել է. «Թէեւ, Վիեննայի բանակցութիւններին եւրոպական եռեակի ղեկավարները 3 օրով թողնում են բանակցութիւնները, այդուհանդերձ, բանակցային գործընթացին մասնակից միւս երկրները շարունակում են քննարկումները, եւ մօտենում են Վիեննայի բանակցութիւնների յաջող աւարտին»,-գրել է նա:
Ուլեանովը, կարեւորել է բանակցութիւններին բոլոր կողմերի ներգրաւածութիւնը եւ յոյս է յայտնել, որ օրեցօր աւելի ենք մօտենում բանակցային գործընթացի յաջողութեանը:
