Թեհրանը Միջուկային գործարքի արդիւնաւորման համար անհրաժեշտ վճռակամութիւն եւ բարիացակամութիւն է դրսեւորում, այս մասին յայտնել է ԱԳ Նախարար Հոսէյն Ամիր Աբդօլլահեանը ԵՄ արտաքին քաղաքականութեան եւ անվտանգութեան հարցերով բարձր ներկայացուցիչ Ժոզէֆ Բորէլի հետ հեռախօսազրոյցում:
«alikonline.ir» - Թեհրանը Միջուկային գործարքի արդիւնաւորման համար անհրաժեշտ վճռակամութիւն եւ բարիացակամութիւն է դրսեւորում, այս մասին յայտնել է ԱԳ Նախարար Հոսէյն Ամիր Աբդօլլահեանը ԵՄ արտաքին քաղաքականութեան եւ անվտանգութեան հարցերով բարձր ներկայացուցիչ Ժոզէֆ Բորէլի հետ հեռախօսազրոյցում:
Զրուցակիցները քննարկել են Վիեննայի բանակցութիւնների վերաբերեալ հարցերն ու հակաիրանական պատժամիջոցների չեղարկումը, միջազգային կարեւոր զարգացումները, մասնաւորապէս՝ Ուկրայինայի վերջին զարգացումները, հաղորդում է ԻՌՆԱ-ն:
Անդրադառնալով ԵՄ արտաքին քաղաքականութեան եւ անվտանգութեան հարցերով բարձր ներկայացուցչի Իրան կատարած վերջին այցին, Նախարար Ամիր Աբդօլլահեանը նշել է, որ հանդիպումների ընթացքում պայմանաւորւել են որոշ նախաձեռնութիւնների վերաբերեալ:
Նա շեշտել է, որ պատրաստ է քայլեր ձեռնարկել եւ նպաստել Միջուկային գործարքի արդիւնաւորմանը՝ ցուցաբերելով, անհրաժեշտ վճռակամութիւն եւ բարիացակամութիւն:
Նախարարը այդ ուղղութեամբ նաեւ շնորհակալութիւն է յայտնել Ժոզէֆ Բորէլին՝ իր ջանքերի եւ ներդրման համար:
Ուկրայինայի վերջին զարգացումների վերաբերեալ նա նշել է, որ Իրանը դէմ է պատերազմներին, մասնաւորապէս՝ Ուկրայինայի պատերազմին:
«Իրանը երբեւէ չի որդեգրել երկակի ստանրտների քաղքականութիւն, մասնաւորապէս՝ Եմէնի, Աֆղանստանի եւ այլ երկրների նկատմամբ»,- նշել է նա՝ յաւելելով, որ Իրանը կոնֆլիկտի երկու կողմերին երկխօսութեան ծաւալման եւ պատերազմի դադարեցման եւ դիւանագիտական ճանապարհով խնդիրների լուծման կոչ է անում:
Մեր երկրի արտաքին քաղաքական գերատեսչութեան ղեկավարը նաեւ պատրաստակամութիւն է յայտմել նպաստելու Ուկրայինաում խաղաղութեան եւ անվտանգութեան հաստատմանը:
Ժոզէֆ Բորէլն էլ իր հերթին կարեւորել է Իրանի դրսեւորած նախաձեռնողականութիւնը՝ մեր երկրի դէմ պատժամիջոցների չեղարկման, եւ միջուկային գործարքի վերականգման գործընթացում, այնուհետեւ շեշտել է, որ գտնւում են երկխօսութեան նոր փուլում եւ առաջնորդւում են դրական արդիւնքի ձեռբերման յոյսով:
