Հա

Քաղաքական

23/06/2022 - 09:20

«Իրանի եւ Ռուսաստանի միջեւ հանդիպումները դրսեւորում են երկու երկրների ռազմավարական համագործակցութեան նոր փուլի մեկնարկի մասին». Հանրապետութեան նախագահ

Հանրապետութեան նախագահ այաթ. Սէյէդ Էբրահիմ Ռէյիսին երէկ՝ յունիսի 22-ին, Ռուսաստանի ԱԳ նախարար Սերգէյ Լաւրովի հետ հանդիպման ընթացքում կարեւորել է Իրանի եւ Ռուսաստանի միջեւ յարաբերութիւնների ամրապնդման կամքի առկայութիւնը եւ պատրաստակամութիւն է յայտնել նպաստել կապերի խորացմանը:

«alikonline.ir» - Հանրապետութեան նախագահ այաթ. Սէյէդ Էբրահիմ Ռէյիսին երէկ՝ յունիսի 22-ին, Ռուսաստանի ԱԳ նախարար Սերգէյ Լաւրովի հետ հանդիպման ընթացքում կարեւորել է Իրանի եւ Ռուսաստանի միջեւ յարաբերութիւնների ամրապնդման կամքի առկայութիւնը եւ պատրաստակամութիւն է յայտնել նպաստել կապերի խորացմանը, հաղորդում է ԻՌՆԱ-ն:

Նախագահը նշել է, որ երկկողմ պարբերաբար կայացող հանդիպումները փաստում են, Իրանի եւ Ռուսաստանի յարաբերութիւնների խորացման ներուժի առկայութեան մասին, որն անհրաժեշտ է իրացնել եւ նպաստել ռազմավարական յարաբերութիւնների ձեւաւորման նոր մակարդակին, մասնաւորապէս՝ տնտեսական յարաբերութիւնների զարգացմանը:

Անդրադառնալով, տնտեսական յարաբերութիւնների ընդլայնմանը նախագահ Ռէյիսին շեշտել է, որ այն մեծապէս կարող է նպաստել երկկողմ յարաբերութիւնների խորացմանը եւ ԱՄՆ-ի գործադրած միակողմանի պատժամիջոցների չեղարկմանը:

Հանրապետութեան նախագահը նաեւ անդրադարձել է Ուկրայինայի պատերազմի վերջին զարգացումներին եւ նշել է, որ Իրանը կողմ է խաղաղութեան հաստատմանը եւ պատերազմի անյապաղ դադարեցմանը:

Այաթ. Սէյէդ Էբրահիմ Ռէյիսին իր խօսքերում նաեւ անդրադարձել է ՆԱՏՕ-ի ընդլայնման միտումներին՝ Հարաւային կովկասի, Արեւմտեան Ասիայի եւ Կենտրոնական Ասիայի տարածաշրջանում եւ շեշտել է, որ այդ ուղղութեամբ անհրաժեշտ է առաւելագոյն զգօնութիւն ցուցաբերել:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։