Հա

Քաղաքական

26/06/2022 - 12:40

«Բորէլի հետ արդիւնաւէտ քննարկումներ ենք անցկացրել». ԱԳ նախարար

ԱԳ նախարար Հոսէյն Ամիր Աբդօլլահեանն իր թւիթերեան միկրոբլոգում գրառում է կատարել՝ անդրադառնալով, ԵՄ արտաքին քաղաքականութեան եւ անվտանգութեան Գերագոյն ներկայացուցիչ Ջոզէֆ Բորէլի Թեհրան կատարած այցի արդիւնքներին:

«alikonline.ir» - ԱԳ նախարար Հոսէյն Ամիր Աբդօլլահեանն իր թւիթերեան միկրոբլոգում գրառում է կատարել՝ անդրադառնալով, ԵՄ արտաքին քաղաքականութեան եւ անվտանգութեան Գերագոյն ներկայացուցիչ Ջոզէֆ Բորէլի Թեհրան կատարած այցի արդիւնքներին, հաղորդում է ԻՌՆԱ-ն:

«Արդիւնաւէտ քննարկումեր ենք ունեցել երկկողմ, տարածաշրջանային եւ միջազգային հարցերի, մասնաւորապէս՝ Վիեննայի բանակցութիւնների վերջին զարգացումների առնչութեամբ»,- գրել է նա՝ յաւելելով, որ միւս կողմերի կամքի դրսեւորման պարագային Իրանը շահագրգիռ է հասնելու արդիւնաւէտ եւ շարունակական համաձայնագրի կայացման:

ԱԳ նախարարը նաեւ իր ինսթագրամեան միկրոբլոգում գրել է, որ Ժոզէֆ Բորէլը Թեհրան է այցելել համաձայնագրի փակուղին վերացնելու նպատակով:

«Աւելի քան 4 ժամ տեւողութեամբ, բայց միեւնոյն ժամանակ դրական արդիւնքներով գնահատւող հանդիպման ընթացքում քննարկումներ են ծաւալել Իրանի եւ ԵՄ-ի հետագայ համագործակցութիւնների առնչութեամբ»,- նշել է նա՝ աւելացնելով, որ Բորէլին յայտնել ենք աշխարհի հետ հաւասարակշռւած յարաբերութիւնների հաստատման պատրաստակամութեան, մասնաւորապէս՝ եւոպա մայրցամաքի ունեցած դերակատարութեան կարեւորութեան առնչութեամբ:

 

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։