Հա

Քաղաքական

28/07/2022 - 10:10

«Որեւէ կասկած չկայ, որ Իրանը ձգտում է կայուն, հզօր եւ դրական համաձայնագրի կայացման». ԱԳ նախարար

ԱԳ նախարար Հոսէյն Ամիր Աբդօլլահեանն երէկ՝ յուլիսի 27-ին հեռախօսազրոյց է ունեցել ԵՄ Արտաքին գործերի եւ անվտանգութեան քաղաքականութեան հարցերով բարձր ներկայացուցիչ Ժոզէֆ Բորէլի հետ:

«alikonline.ir» - ԱԳ նախարար Հոսէյն Ամիր Աբդօլլահեանն երէկ՝ յուլիսի 27-ին հեռախօսազրոյց է ունեցել ԵՄ Արտաքին գործերի եւ անվտանգութեան քաղաքականութեան հարցերով բարձր ներկայացուցիչ Ժոզէֆ Բորէլի հետ. հաղորդում է ԻՌՆԱ-ն:

Հեռախօսազրոյցի ընթացքին կողմերը քննարկել են պատժամիջոցների չեղարկման ուղիները:

ԱԳ նախարարը բարձր է գնահատել Ժոզէֆ Բորէլի նախաձեռնողականութիւնը կայուն, հզօր եւ լաւ համաձայնագրի կայացման ուղղութեամբ եւ նշել է, որ եթէ ԱՄՆ-ը դրսեւորի իրատեսական դիրքորոշումներ, ապա համաձայնագրի կայացումը հնարաւոր կը դառնայ:

ԱԳ նախարարը շեշտել է, որ Իրանը, Գործարքի վերաբերեալ քննարկումների ամբողջ ընթացքին ձգտել է համաձայնագրի արդիւնաւորման ապահովման ուղղութեամբ, յիշեցնելով, որ բանակցութիւնների սկզբից Իրանի Իսլամական Հանրապետութիւնը մշտապէս որդեգրել է համաձայնութեան հասնելու իր բարի կամքն ու պատրաստակամութիւնը:

Ժոզէֆ Բորէլն էլ իր հերթին փասել է, որ Իրանը բանակցութիւններին ցուցաբերել է դրական տրամադրւածութիւն, եւ այժմ հասել է պահն, որպէսզի համաձայնութիւնը կայացւի:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։