Հա

Քաղաքական

11/08/2022 - 10:00

«Իրանը տարածաշրջանի աշխարհաքաղաքական քարտէզի փոփոխութիւն չի հանդուրժի». Նախագահ Ռէյիսին՝ Փաշինեանին

Հանրապետութեան նախագահ այաթ. Սէյէդ Էբրահիմ Ռէյիսին ՀՀ վարչապետ Նիկոլ Փաշինեանի հետ հեռախօսազրոյցում շեշտել է, որ Իրանը տարածաշրջանի աշխարհաքաղաքական քարտէզի փոփոխութիւն չի հանդուրժի:

«alikonline.ir» - Հանրապետութեան նախագահ այաթ. Սէյէդ Էբրահիմ Ռէյիսին ՀՀ վարչապետ Նիկոլ Փաշինեանի հետ հեռախօսազրոյցում շեշտել է, որ Իրանը տարածաշրջանի աշխարհաքաղաքական քարտէզի փոփոխութիւն չի հանդուրժի, հաղորդում է Կառավարութեան կայքը:

Պատասխանելով, ՀՀ վարչապետ Նիկոլ Փաշինեանի հեռախօսազանգին նախագահը պատրաստակամութիւն է յայտնել առկայ ամբողջ ներուժն օգտագործել՝ կովկասեան տարածաշրջանում խաղաղութեան եւ կայունութեան հաստատման ու ամրապնդման ուղղութեամբ:

Անդրադառնալով Իրանի եւ Հայաստանի միջեւ յարաբերութիւններին, նա այդ կապերը որակել է, որպէս խորը պատմական բնոյթի եւ կարեւորել է ծրագրաւորման եւ համապատասխան քայլերի ձեռնարկման անհրաժեշտութիւնը՝ հետագայ գործակցութիւնները նոր մակարդակի բարձրացնելու ուղղութեամբ:

Անդրադառնալով կովկասեան տարածաշրջանում նախորդ օրերի լարւածութեան աճի արձանագրման հարցին, նախագահ Ռէյիսին շեշտել է, որ կողմերը անհրաժեշտ է հաւատարիմ մնան եռակողմ յայտարարութեան բոլոր կէտերին: Ընդգծելով, որ չլուծւած հարցերը հարկաւոր է կարգաւորել դիւանագիտական երկխօսութեան ճանապարհով: Նա յաւելել է, որ խաղաղութեան եւ անվտանգութեան հաստատման համար լաւագոյն ուղին դիւանագիտական ճանապարհն է:

Այաթ. Սէյէդ Էբրահիմ Ռէյիսին, հայկական կողմին յիշեցրել է, մասնաւորապէս՝ Իսլ. յեղափոխութեան առաջնորդի ռազմավարական բնոյթի ցուցումները, որն արտայայտել էր Ռուսաստանի եւ Թուրքիայի նախագահների հետ հանդիպման ընթացքում: Ըստ Իսլ. յեղափոխութեան առաջնորդի՝ Իրանը զգայուն է աշխարհաքաղաքական սահմանների անվտանգութեան պահպանման հարցին, յատկապէս՝ կովկասեան տարածաշրջանի սահմանների նկատմամբ:

Նախագահը հակազդելով, աշխարհաքաղաքական քարտէզի փոփոխութեանը միտւած ջանքերին, այդ փորձերը անընդունելի է համարել եւ պատրաստակամութիւն է յայտնել նպաստելու կովկասեան տարածաշրջանի կայունութեան եւ խաղաղութեան հաստատմանը:

Նիկոլ Փաշինեանն էլ իր հերթին համապարփակ ներկայացրել է Հայաստանի եւ Ադրբեջանի միջեւ վերջին լարւածութիւնների մասին, ապա գոհունակութիւն է յայտնել երկու երկրների միջեւ յարաբերութիւնների զարգացման համար ձեռնարկւած քայլերի առնչութեամբ: Պատրաստակամութիւն յայտնելով նպաստելու, մասնաւորապէս՝ բեռնափոխադրումների եւ տարանցման ընթացակարգերի սահունացման եւ ենթակառուցւածքային ոլորտում կապերի խորացման ուղղութեամբ:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։