Իրանի ատոմային էներգիայի կազմակերպութեան ղեկավար Մոհամմադ Էսլամին յայտարարել է, որ գերտէրութիւնները խոչընդոտում են Իարնի մուտքը նոր տեխնոլոգիաների ոլորտ:
«alikonline.ir» - Իրանի ատոմային էներգիայի կազմակերպութեան ղեկավար Մոհամմադ Էսլամին յայտարարել է, որ գերտէրութիւնները խոչընդոտում են Իարնի մուտքը նոր տեխնոլոգիաների ոլորտ: Այս մասին գրում է Parstoday.com-ը:
Իրանցի գիտնականներն ու մասնագէտները եզակի ձեռքբերումներ են գրանցել միջուկային արդիւնաբերութեան ժամանակակից տեխնոլոգիաների արտադրութեան ոլորտում։
Միջուկային արդիւնաբերութիւնը կիրառութիւն ունի ռադիոդեղերի արտադրութեան, գիւղատնտեսութեան եւ արդիւնաբերութեան ոլորտներում:
Մոհամմադ Էսլամին ասել է. «Գերտէրութիւնները խոչընդոտում են Իրանի մուտքը նոր տեխնոլոգիաների, քանի որ մենք հասնում ենք բուրգի գագաթին, որը էներգիայի արտադրութիւնն է»:
Իրանի ատոմային էներգիայի կազմակերպութեան ղեկավարը յաւելել է. «Միջուկային արդիւնաբերութեան ռազմավարական փաստաթղթի համաձայն՝ առաջիկայ 20 տարիների ընթացքում միայն էլեկտրակայանների ոլորտում մենք պէտք է պատրաստենք առնւազն 30 հազար մասնագէտ»։
