Հա

Քաղաքական

24/08/2022 - 11:40

Իրանի ԱԳ նախարարը կարեւորել է Մալիի կառավարութեան հետ համագործակցութեան ընդլայնումը

Մալիի անցումային կառավարութեան ղեկավար՝ Այսմի Գուիթայի հետ հանդիպման ժամանակ, ԱԳ նախարար Հոսէյն Ամիր Աբդօլլահեանն ընդգծել է երկկողմ համագործակցութեան ընդլայնման անհրաժեշտութիւնը:

«alikonline.ir» - Մալիի անցումային կառավարութեան ղեկավար՝ Այսմի Գուիթայի հետ հանդիպման ժամանակ, ԱԳ նախարար Հոսէյն Ամիր Աբդօլլահեանն ընդգծել է երկկողմ համագործակցութեան ընդլայնման անհրաժեշտութիւնը. հաղորդում է ԻՌՆԱ-ն:

ԱԳ նախարար Ամիր Աբդօլլահեանն՝ Այսմի Գուիթայի հետ հանդիպման ժամանակ, անդրադառնալով համատեղ յանձնաժողովի շրջանակներում Մալիի հետ տնտեսական եւ առեւտրային համագործակցութեան զարգացման համար ձեռք բերւած պայմանաւորւածութիւններին, նշել է, որ Իրանի կառավարութիւնը վճռական է՝ զարգացնել համագործակցութիւնը Մալիի կառավարութեան հետ, յատկապէս առեւտրային, պաշտպանական եւ գիտատեխնիկական ոլորտներում:

Հանդիպմանն Այսմի Գուիթան ողջունել է երկու երկրների միջեւ տնտեսական համագործակցութեան ամրապնդման վերաբերեալ ձեռք բերւած պայմանաւորւածութիւնները: Նա նշել է, որ ճնշող պատժամիջոցներին դիմակայելու եւ տարածաշրջանային եւ համաշխարհային ասպարեզում Իրանի քաղաքական եւ տնտեսական կարեւոր դիրք զբաղեցնելու հարցում իրանցիների ձեռքբերումները պէտք է օրինակ ծառայեն Մալիի ժողովրդի համար՝ օտարերկրեայ կառավարութիւնների առաւելատենչութեան դէեմ պայքարում:

Գութիան բարձր է գնահատել Մալիի տնտեսական եւ գիտական ​​աճն ուղղորդելու գործում Իրանի պատասխանատուների գործողութիւնները եւ կոչ արել զարգացնել երկու երկրների միձեւ առեւտրային ու գիտական համագործակցութիւնը:

Նշենք, որ Իրանի ԱԳ նախարար Հոսէյն Ամիր Աբդօլլաեանը երեքշաբթի, օգոստոսի 23-ի առաւօտեան ժամանել է Մալիի մայրաքաղաք Բամակօ: Նրան դիմաւորել է Մալիի արտգործնախարար Աբդուլլահ Դիոպը։

 

Յարակից լուրեր

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։