ԱԳ նախարարի պաշտօնական ներկայացուցիչ Նասեր Քանանին Իրանի ներքին գործերին՝ եւրոպայի միջամտութեանը եւ պատժամիջոցների կիրառմանն՝ անդրադառնալով շեշտել է, որ միջամտութեան շարունակութեան դէպքում Իրանը պատրաստ է համապատասխան եւ համաչափ կարձագանգնել՝ առանց բացառութեան:
«alikonline.ir» - ԱԳ նախարարի պաշտօնական ներկայացուցիչ Նասեր Քանանին Իրանի ներքին գործերին՝ եւրոպայի միջամտութեանը եւ պատժամիջոցների կիրառմանն՝ անդրադառնալով շեշտել է, որ միջամտութեան շարունակութեան դէպքում Իրանը պատրաստ է համապատասխան եւ համաչափ կարձագանգնել՝ առանց բացառութեան:
Նասեր Քանանին մասնաւորապէս՝ անդրադարձել է Իրանի վերջին անհնազանդութեան շարժումներին Արեւմտուքի միջամտութեանը՝ նշելով, որ Արեւմուտքը ակնյայտօրէն կիրառում է երկակի ստանդարտների քաղաքականութիւն՝ Իրանի նկատմամբ:
Անդրադառնալով սիոնիստական ռեժիմի կողմից Պաղեստինի օկուպացիային, ԱԳ նախարարութեան պաշտօնական ներկայացուցիչը նշել է, որ Պաղեստինի վերջին զարգացումները հետեւելով անհրաժեշտ է եւս մէկ անգամ արձանագրել, որ հարկաւոր է դիմադրութիւն ցուցաբերել բռնազաւթման նկատմամբ, որի իրականացման պարագային հնարաւոր կը դառնայ ժողովրդի իրաւունքի իրացումը:
Նա շեշտել է. «Իրանը ներկայացրել է կոնֆլիկտի լուծման իր առաջարկը այն է՝ քաղաքական գործընթացը, որն ենթադրում է համապաղեստինեան հանրաքւէի իրականացում, որտեղ պաղեստինցը կը որոշի իր երկրի ապագան»:
ԱԳ նախարարի պաշտօնական ներկայացուցիչը նաեւ իր ելոյթի ընթացքում անդրադարձել է Իրաքի անվտանգութեան ու կայունութեան վերականգման անհրաժեշտութեանը եւ այդ երկրի նոր կառավարութեանը մաղթել է յաջողութիւն:
Նասեր Քանանին, մասնաւորապէս՝ անդրադառնալով ԱՄՆ-ի հակասական գործողութիւններին, նշել է, որ այդ երկիրը մի կողմից պատգամներ է փոխանցել Միջուկային գործարքին վերադառնալու պատրաստակամութեան մասին, միւս կողմից նոր պատժամիջոցներ է սահմանում երկրի դէմ:
Այդ հակասութիւններն ըստ Քանանիի՝ գործնականում վնասում են գործընթացը եւ չեն ապահովում կառուցողականութիւն, յատկապէս Միջուկային գործարքի ապագայի եւ հնարաւոր արդիւնքների ապահովման առումով:
