Իրանը Հայաստանի եւ տարածաշրջանի անվտանգութիւնը համարում է իր անվտանգութիւնը, եւ Կապանում Իրանի գլխաւոր հիւպատոսութիւն հիմնելու Իրանի կառավարութեան որոշումն այն կարեւորութեան դրսեւորումն է, որ ԻԻՀ-ն տալիս է հայ ժողովրդի հետ հազարամեայ յարաբերութիւններին: «Արմէնպրես»-ի հաղորդմամբ՝ այս մասին ասաց Իրանի ԱԳ նախարար Հոսէյն Ամիր Աբդօլլահեանը հոկտեմբերի 21-ին Կապանում գլխաւոր հիւպատոսութեան բացման արարողութեանն իր ելոյթում:
«alikonline.ir» - Իրանը Հայաստանի եւ տարածաշրջանի անվտանգութիւնը համարում է իր անվտանգութիւնը, եւ Կապանում Իրանի գլխաւոր հիւպատոսութիւն հիմնելու Իրանի կառավարութեան որոշումն այն կարեւորութեան դրսեւորումն է, որ ԻԻՀ-ն տալիս է հայ ժողովրդի հետ հազարամեայ յարաբերութիւններին: «Արմէնպրես»-ի հաղորդմամբ՝ այս մասին ասաց Իրանի ԱԳ նախարար Հոսէյն Ամիր Աբդօլլահեանը հոկտեմբերի 21-ին Կապանում գլխաւոր հիւպատոսութեան բացման արարողութեանն իր ելոյթում:
Իրանի ԱԳ նախարար Հոսէյն Ամիր Աբդօլլահեանը նախ նշեց, որ Իրանի գլխաւոր հիւպատոս Մորթեզա Աբեդին Վարամինը պրոֆեսիոնալ դիւանագէտներից է: Նա վստահութիւն յայտնեց, որ Կապանում հիւպատոսութեան աշխատակիցներն իրենց պարտականութիւնները կատարելու ընթացքում կունենան Իրանի կառավարութեան, Երեւանում ԻԻՀ դեսպանութեան, ՀՀ կառավարութեան, Սիւնիքի մարզի եւ Կապան քաղաքի ղեկավարութեան աջակցութիւնը եւ, իհարկէ, տեղի բնակչութեան բարեհաճ վերաբերմունքը:
Նախարարը յոյս յայտնեց, որ թէ Երեւանում դեսպանութեան, թէ Կապանում հիւպատոսութեան գործընկերների ջանքերի շնորհիւ կաշխատեն երկու երկրների միջեւ առեւտրատնտեսական յարաբերութիւններն աւելի զարգացնել:
Աբդօլլահեանն ընդգծեց, որ Սիւնիքի մարզը հանդիսանում է հիւսիս-հարաւ միջանցքի կարեւորագոյն հատւածներից մէկը: «Մենք Հայաստանը համարում ենք հիւսիս-հարաւ մայրուղու վրայ գտնւող կարեւորագոյն երկրներից մէկը: Եւ մենք մեր առաւելագոյն ջանքերը կը գործադրենք, որ այս տարանցիկ ուղին, ինչպէս նաեւ ապրանքափոխադրումները, ուղեւորափոխադրումներն այս ուղով աւելի զարգանան»,- ասաց Իրանի ԱԳ նախարարը:
Վերջում նա փոխանցեց Իրանի կառավարութեան եւ ժողովրդի ջերմ ողջոյնները:
