Իսլ. խորհրդարանում կրօնական փոքրամասնութիւնների պատգամաւորները յայտարարութիւն են տարածել՝ դատապարտելով, Շիրազի «Շահ Չերաղ» սրբավայրում տեղի ունեցած ահաբեկչութիւնը, որի հետեւանքով զոհւել եւ վիրաւորւել են հաւատացիալներ:

«alikonline.ir» - Իսլ. խորհրդարանում կրօնական փոքրամասնութիւնների պատգամաւորները յայտարարութիւն են տարածել՝ դատապարտելով, Շիրազի «Շահ Չերաղ» սրբավայրում տեղի ունեցած ահաբեկչութիւնը, որի հետեւանքով զոհւել եւ վիրաւորւել են հաւատացիալներ:

Յայտարարութեան տեքստում մասնաւորապէս նշւած է. «Իրանի Իսլ. Հանրապետութեան արժանապատիւ ժողովուրդը մշտապէս դիմագրաւել է ներքին եւ արտաքին դաւադրութիւնների, որոնց ամենադաւադիրներից տասնեակ զոհերի եւ վիրաւորների պատճառ դարձած ահաբեկչական գործողութիւններն են: Սակայն, Իրանի ժողովուրդը մշտապէս հաւատարմութիւն է դրսեւորել/դրսեւորում անկախութեան ձգտման, ազատութեան եւ կրօնական դաւանանքի նկատմամբ:

Ահաբեկչութեան երեւոյթը, մասնաւորապէս՝ վերջին երկու տասնամեակի ընթացքին դարձել է առաւել սանձարձակ, որը, մասնաւորապէս՝ շահագործելով տարածաշրջանային կոմպլեքսաւորւած իրավիճակը եւ հասարակութեան մտահոգութիւնները վերածել է, որպէս նոր գործիքի՝ մեր սիրելի Իրանի դէմ ճնշում գործադրելու, դիմադրութեան ոգին պառակտելու, երկրի զարգացումն ու առաջընթացը ձախողելու համար:

Սակայն, նենգ եւ նողկալի ահաբեկչութիւնն, իր ապակողմնորոշւած, դոգմատիկ էութեամբ՝ ամենուրեք զոհեր է պահանջում՝ լինեն դրանք, անմեղ կանայք, երեխաներ, թէ՛ տղամարդիկ, թէկուզ, յանուն սեփական նպատակների իրագործման չի զղջում այն հաւատաւորներին, որոնք սեփական մենութեան մէջ խօսում են Աստծոյ հետ ամբողջ էութեամբ:

Չորեքշաբթի 26 հոկտեմբերին, Շիրազի «Շահ Չերաղ» սրբավայրում տեղի ունեցած արիւնալի եւ նողկալի ոճրագործութեան հեղինակները թիրախաւորել են՝ Իրանի ժողովուրդին, ինքնիշխանութիւնը, կրօնը, կրօնական եղբայրութիւնը եւ ազգային միասնականութիւնը: Այսպիսով, խղճութիւնը, անմիաբանութիւնը, անինքնութիւնը եւ չարութիւնը դարձրել են Իրանի մեծ ժողովրդի դէմ թշնամանքի գործիք:

Մենք՝ Իրանի Իսլ. խորհրդարանի կրօնական փոքրամասնութիւնների ներկայացուցիչներս, մեր՝ եւ Աստւածային կրօններ դաւանող ժողովուրդների անունից, խստօրէն դատապարտում ենք այս չարաբաստիկ ոճրագործութիւնը եւ յորդորում ենք երկրի պատասխանատու իշխանութիւններին՝ շուտափոյթ բացայայտել այս յանցագործութեան հեղինակներին, ծրագրող եւ նախագծողներին ու օրէնքի տառին համապատասխան պատասխանատւութեան ենթարկել իրենց:

Հարկ ենք համարում, մեր ցաւակցական եւ վշտակցութեան խօսքերն ուղղել Իրանի ժողովրդին, սգակիր ընտանիքներին: Երկնային արքայութիւն ենք ցանկանում նահատակների հոգիների խաղաղութեան համար:

Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեան,

Իսլ. խորհրդարանում Սպահանի եւ հարաւային իրանահայութեան պատգամաւոր Ռոբերտ Բեգլարեան,

Իսլ. խորհրդարանում քաղդէացի եւ ասորի քրիստոնեաների պատգամաւոր Շառլի Էնւիէ Թեքիէ,

Իսլ. խորհրդարանում զրադաշտների պատգամաւոր Էսֆանդիար Բախթիարի,

Իսլ. խորհրդարանում հրեաների պատգամաւոր Հոմայիւն Սամէ Եահ Նաջաֆ Աբադի