Հա

Քաղաքական

24/11/2022 - 10:15

Իրանը պահանջում է չէզոքացնել Իրաքի հիւսիսային հատւածում տեղակայւած ահաբեկչական կենտրոնները

Իրանի Իսլ. Հանրապետութիւնը պահանջում է Իրաքի կառավարութեան հետ համաձայնագիրն անյապաղ գործադրել, որն ենթադրում է այդ երկրի հարաւում տեղակայւած ահաբեկչական խմբաւորումների ապառազմականացումն ու չէզոքացումը:

«alikonline.ir» - Իրանի Իսլ. Հանրապետութիւնը պահանջում է Իրաքի կառավարութեան հետ համաձայնագիրն անյապաղ գործադրել, որն ենթադրում է այդ երկրի հարաւում տեղակայւած ահաբեկչական խմբաւորումների ապառազմականացումն ու չէզոքացումը, հաղորդում է ԻՌՆԱ-ն:

ՄԱԿ-ի գլխաւոր ասամբլիայում Իրանի մշտական ​​ներկայացուցչութիւնը նամակ է յղել այդ կազմակերպութեան Անվտանգութեան խորհրդին, ներկայացնելով Իրանի Իսլամական Հանրապետութեան դիրքորոշումը Հիւսիսային Իրաքում ահաբեկիչների շտաբի դէմ ռազմական գործողութիւններ իրականացնելու վերաբերեալ:

«Իրաքի կառավարութեան եւ այդ երկրի հիւսիային հատւածի պաշտօնեաների հետ լայնածաւալ բանակութիւններից յետոյ Իրանը քայլեր է ձեռնարկել իրացնելու միջազգային իրաւունքն՝ ապահովելու համար երկրի ազգային անվտանգութիւնը եւ այդ երկրի հիւսիսային հատւածում տեղակայւած ահաբեկչական խմբաւորումների չէզոքացումը, որոնք սպառնում են Իրանի ազգային անվտանգութեանը»,- ասել է նա:

ՄԱԿ-ում Իրանի մշտական ներկայացուցչութիւնը նաեւ շեշտել է, որ տարիներ շարունակ այդ երկիրն Իրանի եւ Իրաքի միջեւ սահմանին խոշոր տրամաչափի զէնք եւ զինամթերք է կուտակել եւ պարբերաբար ապօրինի ճանապարհներով փոխանցել է Իրանում իրենց կախւած խմբաւորումներին:

ՄԱԿ-ում Իրանի մշտական ​​ներկայացուցիչը յաւելել է, որ Իրանի Իսլամական Հանրապետութիւնը, ընդգծելով Իրաքի կառավարութեան պատասխանատւութիւնը՝ արդիւնաւէտօրէն վերահսկելու այդ երկրի ամբողջ տարածքը եւ միջազգայնօրէն ճանաչւած սահմանները, անհերքելի ապացոյցներ եւ հաւաստի տեղեկատւութիւն է տրամադրել այդ երկրի իշխանութիւններին՝ Իրաքի Քուրդիստանի շրջանի խմբաւորումների, ահաբեկիչների եւ անջատողականների հետ կապւած, որոնք չարաշահում են Իրաքի տարածքը Իրանի դէմ դիւերսիոն եւ ահաբեկչական գործողութիւններ ծրագրելու, աջակցելու, կազմակերպելու եւ իրականացնելու ուղղութեամբ։

Իրանի մշտական ներկայացուցիչը յայտարարել է, որ Իրանի Իսլամական Հանրապետութիւնը վճռականօրէն հաւատարիմ է այդ հարցը Իրաքի կառավարութեան հետ լուծելու երկկողմ մեխանիզմի կիրառմանն, որպէս ահաբեկչութեան դէմ պայքարի շարունակականութիւն:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։