Հա

Քաղաքական

27/11/2022 - 14:20

«Մաքրանի ափերը վերածելու ենք ռազմավարական, տնտեսական եւ զբօսաշրջային նշանակութեան առանցքային ուղղութեան». Հանրապետութեան նախագահ

Մաքրանի ափերը վերածելու ենք ռազմավարական, տնտեսական եւ զբօսաշրջային նշանակութեան առանցքային ուղղութեան: Այս մասին այսօր՝ նոյեմբերի 27-ին յայտնել է Հանրապետութեան նախագահ այաթ. Սէյէդ Էբրահիմ Ռէյիսին՝ Հորմոզգան քաղաք կատարած այցելութեան եւ Բանակի նաւատորմի ուժերի զօրավարժութեան ընթացքում:

«alikonline.ir» - Մաքրանի ափերը վերածելու ենք ռազմավարական, տնտեսական եւ զբօսաշրջային նշանակութեան առանցքային ուղղութեան: Այս մասին այսօր՝ նոյեմբերի 27-ին յայտնել է Հանրապետութեան նախագահ այաթ. Սէյէդ Էբրահիմ Ռէյիսին՝ Հորմոզգան քաղաք կատարած այցելութեան եւ Բանակի նաւատորմի ուժերի զօրավարժութեան ընթացքում, հաղորդում է ԻՍՆԱ-ն:

Շնորհաւորելով «Բասիջ» ուժերի շաբաթւայ առիթով, Հանրապետութեան նախագահը նշել է, որ «Բասիջ»-ի ուժերը օրհնալից առաքելութիւն են իրականացրել՝ Ջասք կզու բնակիչների, տարածաշրջանի եւ ամբողջ երկրի համար:

««Բասիջ»-ը, ե՛ւ Իսլ. յեղափոխութեան տարիներին, ե՛ւ ջրհեղեղի օրերին, ինչպէս նաեւ՝ երկրաշարժի աղէտի ժամանակ կանգնած է եղել ժողովրդի թիկունքին, մասնաւորապէս՝ ականատես ենք եղել «Բասիջ» ուժերի աջակութեան ցուցաբերմանը կորոնավիրուսի օրերին»,- նշել է նա՝ ողջունելով, զինւած ուժերի, բանակի եւ ժողովրդի ցուցաբերած աջակցութեան համար:

Նախագահը խօսքն՝ ուղղելով Ջասքի ժողովրդին ներողութիւն է խնդրել բազմազբաղւածութեան եւ առօրեայ հոգսերի պատճառով աւելի վաղ չկատարած այցելութեան համար: Մասնաւորապէս՝ շնորհակալութիւն է յայտնել նահանգապետին, ուրբաթօրեայ աղօթապետին, Իսլ. խորհրդարանի պատգամաւորներին եւ ժողովրդին՝ Ջասք քաղաքի խնդիրները վեր հանելու համար, այդ թւում՝ ճանապարհների, ջրային պաշարների, գիւղերի, առեւտրատնտեսական կապերի, նահանգի ձկնորսութեան եւ զբաղւածութեան թեմաների խնդիրների վերաբերեալ խօսելու համար:

Հանրապետութեան նախագահը նաեւ ընդգծել է, որ ապրելով ծովի մօտ, Ջասքի բնակիչները կարող են այնպէս անել, որ առեւտրա-տնտեսութիւնն աճ արձանագրի. «Հնարաւոր է այնպէս ռազմավարութիւն մշակել, որպէսզի աճեն տարածաշրջանի եկամուտները»,- նշել է նա:

Հանրապետութեան նախագահը նաեւ այս տարածաշրջանում գործող նաւթային ընկերութիւններին, այլ տնտեսական խմբերին եւ նաւթ արդիւնահանող միւս խմբերին կոչ է արել կատարել սեփական հասարակական պարտականութիւնը եւ օրէնքով սահմանւած կարգով կրթական եւ առեւտրային կենտրոնների կառուցման ուղղութեամբ ջանքեր գործադրեն:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։