ԱԳ նախարար Հոսէյն Ամիր Աբդօլլահեանն ԵՄ արտաքին քաղաքական գերատեսչութեան ղեկավար Ժոզէֆ Բորէլի հետ հեռախօսազրոյցի ընթացքում կարեւորել է Բորէլի դերակատարութիւնը՝ եւրոպային ոչ կառուցողական յոյզերից հեռու պահելու գործում:
«alikonline.ir» - ԱԳ նախարար Հոսէյն Ամիր Աբդօլլահեանն ԵՄ արտաքին քաղաքական գերատեսչութեան ղեկավար Ժոզէֆ Բորէլի հետ հեռախօսազրոյցի ընթացքում կարեւորել է Բորէլի դերակատարութիւնը՝ եւրոպային ոչ կառուցողական յոյզերից հեռու պահելու գործում, հաղորդում է ԻՌՆԱ-ն:
Հեռախօսազրոյցի ընթացքում կողմերը մասնաւորապէս քննարկել են երկուստեք հետաքրքրութիւն ներկայացնող հարցերի լայն շրջանակ:
ԱԳ նախարարը ողջունել է Բորէլին երկխօսութեան եւ փոխգործակցութեան զարգացման ուղղութեամբ ունեցած բարձր դերակատարութիւնը եւ քննադատել է դիւանագիտական էթիկայից դուրս հռետորաբանութեան կիրառումն, որը վերջերս օգտագործել են եւրոապացի նախարարները:
Իրանի ԱԳ նախարարը յաւելել է, որ ԵՄ-ի ռազմավարական նպատակները զոհ են դարձել ատելութիւն տարածող ահաբեկչական խմբաւորումների յաւակնութիւններին, որոնք կեղծ տեղեկութիւններ են փոխանցում այդ քաղաքական գործիչներին:
ԱԳ նախարարը կարեւորել է ԵՄ արտաքին քաղաքականութեան բարձրաստիճան պաշտօնեայի եւ Եւրոմիութեան դերակատարութիւնը՝ այդ կառոյցին ոչ կառուցողական յոյզերից զերծ պահելու ուղղութեամբ։
Անդրադառնալով Վիեննայում համաձայնեցւած պարտաւորութիւններին եւ Գործարքի վերականգման ջանքերին, Բորէլն ընդգծել է, որ շարունակելու է աշխատանքն՝ արդիւնաւէտ հաղորդակցութեան եւ համաձայնութեան կայացման ուղղութեամբ։
