Հա

Քաղաքական

06/02/2023 - 13:20

Իրանը Ադրբեջանին կոչ է արել հանդուրժողականութիւն դրսեւորել

ԱԳ նախարարութեան պաշտօնական ներկայացուցիչ Նասեր Քանանին այսօր՝ փետրւարի 6-ին իր հերթական շաբաթական մամլոյ ասուլիսի ընթացքում շեշտել է, որ Իրանը դինամիկ դիւանագիտութիւն է վարում՝ Միջուկային գործարքի բանակցութիւնների եւ պատժամիջոցների չեղարկման ուղղութեամբ:

«alikonline.ir» - ԱԳ նախարարութեան պաշտօնական ներկայացուցիչ Նասեր Քանանին այսօր՝ փետրւարի 6-ին իր հերթական շաբաթական մամլոյ ասուլիսի ընթացքում շեշտել է, որ Իրանը դինամիկ դիւանագիտութիւն է վարում՝ Միջուկային գործարքի բանակցութիւնների եւ պատժամիջոցների չեղարկման ուղղութեամբ. հաղորդում է ԻՌՆԱ-ն:

«Տարբեր մակարդակներում մեսիջների փոխանակում է կատարւում եւ Իրանի Իսլ. Հանրապետութիւնը քաջալերում է բարիացակամութիւն դրսեւորող կողմերի ջանքերը»,- նշել է նա՝ անդրադառնալով Միջուկային գործարքի վերաբերեալ բանակցութիւններին:

Պատասխանելով, Ատոմային էներգիայի միջազգային գործակալութեան գլխաւոր տնօրէնի Թեհրան նախատեսւած հնարաւոր այցին, նա նշել է. «Վիեննայում Իրանի ներկայացուցչի վարած բանակցութիւններին զուգահեռ, գործակալութեան հետ անմիջականօրէն եւ շարունակական շփումները մշտապէս ընթացքի մէջ են, նաեւ փորձագիտական ​​քննարկումներ են անցկացւել, եւ նախապատրաստական ​​գործընթացի աւարտին նման ուղեւորութեան հնարաւորութիւնը առարկայական է, հետեւաբար, տեխնիկական նախապատրաստական գործընթացներն եւս անհրաժեշտ է իրականացնել»:

Նա յաւելել է, որ Իրանը մշտապէս սերտ համագործակցութիւններ է վարել Ատոմային էներգիայի միջազգային գործակալութեան հետ եւ տեխնիկական բնոյթի քննարկումներն ու յարաբերութիւնները կրում են շարունակական բնոյթ:

ԱԳ նախարարութեան պաշտօնական ներկայացուցիչն անդրադառնալով Կատարի ԱԳ նախարարի Իրան այցին շեշտել է, որ Կատարը բարեկամ երկիր է տարածաշրջանում եւ բարի կամք է դրսեւորել՝ դիւանագիտական ջանքեր գործադրելով երկկողմ յարաբերութիւնների սերտացման եւ տարբեր թեմաների առնչութեամբ դիրքորոշումները համատեղելու եւ պատժամիջոցների չեղարկման ուղղութեամբ:

Անդրադառնալով Իրանի եւ Բաքւի յարաբերութիւններին, Իրանի արտաքին քաղաքականութեան գերատեսչութեան խօսնակն եւս մէկ անգամ ցաւակցել է Բաքւի դեսպանատան յարձակման հետեւանքով՝ զոհւած դիւանագէտի ընտանիքին եւ խստօրէն դատապարտել է այդ միջադէպը:

«Իրանի Իսլ. Հանրապետութիւնը միջադէպից անմիջապէս յետոյ դիմեց համապատասխան գործողութիւնների: Ձերբակալւեց յարձակւող անձը եւ հետաքննութեան ենթարկւեց: Ոստիկանական եւ իրաւապահ ուժերի հետաքննութեան արդիւնքները փաստում են, որ յարձակումն անձնական բնոյթ եւ էութիւն է կրում»,- նշել է նա՝ այնուհետեւ, ներկայացրել է նախաքննութիւնների մասին որոշ մանրամասներ:

Նասեր Քանանին անդրադառնալով Ադրբեջանի կողմից Իրանի Իսլ. Հանրապետութիւնում այդ երկրի դեսպանատան աշխատանքների դադարեցման քայլին, նշել է, որ այս գործընթացում անհրաժեշտ է պահպանել հանդուրժողականութիւն, եւ խուսափել նախապաշարումներով առաջնորդւելուց, մասնաւորապէս՝ անհրաժեշտ է պահպանել քաղաքական համբերատարութիւն եւ զսպւածութիւն:   

«Այնուամենայնիւ, Իրանի Իսլ. Հանրապետութիւնն այս ցաւալի միջադէպի կապակցութեամբ կը ստանձնի իր բաժին պատասխանատւութիւնն ու կամբողջացնի գործընթացը»,- ասել է նա:

Նա նաեւ յոյս է յայտնել, որ այդ միջադէպը չի ազդի Իրանի եւ Ադրբեջանի յարաբերութիւններին:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։