Հանրապետութեան նախագահ այաթ. Սէյէդ Էբրահիմ Ռէյիսին երէկ՝ փետրւարի 6-ին նախագահական նստավայրում հիւընկալել է կրօնական փոքրամասնութիւնների ներկայացուցիչներին:
«alikonline.ir» - Հանրապետութեան նախագահ այաթ. Սէյէդ Էբրահիմ Ռէյիսին երէկ՝ փետրւարի 6-ին նախագահական նստավայրում հիւընկալել է կրօնական փոքրամասնութիւնների ներկայացուցիչներին, հաղորդում է Հանրապետութեան նախագահի կայքը:
Այաթ. դոկտ. Սէյէդ Էբրահիմ Ռէյիսին Իսլամական փառաւոր յեղափոխութեան յաղթանակի 44-րդ տարեդարձի առիթով Աստւածային կրօնների հետեւորդների հետ հանդիպման ժամանակ յայտարարել է, որ մասնաւորապէս՝ Ֆաջրի տասնամեակի օրերն Իրանի ազգային մեծ յաղթանակների վկայութիւնն է եւ այն Իրանի վեհ ժողովրդի ընդունած արժէքն՝ անկախ նրանց լեզւից եւ դաւանած կրօնից:
Նշելով, որ Իսլ. յեղափոխութեան ձեռքբերումները պատկանում են Իրանի ամբողջ ազգութիւններին եւ կրօններին եւ քաղաքականութիւնն առանց Աստծոյ մեծ աղէտներ է բերել մարդկութեան համար, նախագահ Ռէյիսին շեշտել է, որ Աստծոյ մարգարէին վիրաւորելը, մասնաւորապէս՝ 2 միլիարդ մուսուլմաններին անարգելը ազատութիւն չէ, այլ աւելի ճիշտ խօսքի ազատութեան սահմանափակման դրսեւորում է:
«Մեծարգոյ Էմամ Խոմէյնին 44 տարի առաջ բարձրացրել է մի դրօշ, որը կոչւել է արդարադատութիւն, որպէսզի կառուցի մի հասարակութիւն, որտեղ կը լինեն արդարադատութիւն փնտրող մարդիկ, ովքեր կը լինեն արդարութեան մարտիկներ: Իրանի իսլամական յեղափոխութիւնը ձգտում է կառուցել հասարակութիւն, որտեղ մարդիկ հաւատում են Աստծուն եւ հեռու են ճնշումներից, կոռուպցիայից եւ կործանումից, ինչպէս նաեւ զարգացնել հասարակութիւն, որը կրողն է բարոյականութեան, էթիկայի եւ բանականութեան վրայ հիմնւած մտածողութեան»,- նշել է նա:
