Ատոմային էներգիայի միջազգային գործակալութեան գլխաւոր տնօրէն Ռաֆայէլ Գրոսին Թեհրանում տեղի ունեցած մամլոյ ասուլիսի ընթացքին յայտարարել է, որ պատրաստ ենք շարունակել աշխատանքը եւ Իրանի Իսլ. Հանրապետութեան հետ համագործակցութիւնը:
«alikonline.ir» - Ատոմային էներգիայի միջազգային գործակալութեան գլխաւոր տնօրէն Ռաֆայէլ Գրոսին Թեհրանում տեղի ունեցած մամլոյ ասուլիսի ընթացքին յայտարարել է, որ պատրաստ ենք շարունակել աշխատանքը եւ Իրանի Իսլ. Հանրապետութեան հետ համագործակցութիւնը. հաղորդում է ԻՌՆԱ-ն:
Ռաֆայէլ Գրոսին Ատոմային էներգիայի գործակալութեան տնօրէն Մոհամմադ Էսլամիի հետ բանակցութիւնների երկրորդ փուլից յետոյ, այսօր՝ շաբաթ մարտի 4-ին տեղի ունեցած իր մամլոյ ասուլիսին նշել է, որ շատ կարեւոր հանդիպումներից յետոյ անհրաժեշտ է արձանագրել, որ ՄԱԳԱՏԷ-ն եւս պատրաստ է առաջ շարժւել:
«Երէկ երեկոյեան հնարաւորութիւն եւ պատիւ ունեցայ մասնակցելու իրանցի էլիտար գիտնականների հետ հանդիպմանն, որն շատ ազդեցիկ հանդիպում էր ինձ համար»,- ասել է Գրոսին:
Նշելով, որ Իրանի հետ բանակցութիւնները մեկնարկել են երէկ եւ շարունակւում են այսօր, Ռաֆայէլ Գրոսին յայտնել է բանակցութիւնների մանրամասների մասին շեշտելով, որ երկու խնդիր կան, որոնք շատ կարեւոր են առաջին խնդիրն այն է, որ սպասելիքները բազում են եւ մամուլի ներկայացուցիչների ներկայութիւնը, փաստում է, թէ որքան կարեւոր է այդ հարցը եւ այդ մեծ ակնկալիքն ու հետաքրքրութիւնը կարելի է նաեւ տեսնել համաշխարհային մակարդակով:
Նա յաւելել է, որ ինչ վերաբերում է Իրանի Իսլամական Հանրապետութեան հետ համատեղ աշխատանքին, ապա խօսքը վերաբերում է այն խնդիրներին, որոնց շուրջ Իրանի հետ միասին անհրաժեշտ է թափանցիկ լինել։ Իրանի Իսլամական Հանրապետութեան միջուկային ծրագրի վերաբերեալ երաշխիքներն անհրաժեշտ է ապահովել:
Գրոսին յայտարարել է, որ մասնաւորապէս կարեւոր է տեխնիկական եւ գիտական համագործակցութեան խորացումն, որը կարող է գործել Իրանի Իսլամական Հանրապետութեան եւ Գործակալութեան միջեւ, եւ ապագայում միջազգային մակարդակով համագործակցութիւններ կանցկացւեն, հասկանալու թէ ինչպէս է հնարաւոր աջակցել գործակալութեան եւ խորացնել համագործակցութիւնը:
