Իրանի արտաքին գործերի նախարար Հոսէյն Ամիր Աբդօլլահեանը յայտարարել է, որ պայմանաւորւածութիւն է ձեռք բերւել Իրանի եւ ԱՄՆ-ի միջեւ գերիների փոխանակման վերաբերեալ:
«alikonline.ir» - ԱԳ նախարարութեան պաշտօնական ներկայցուցիչ Նասեր Քանանին անդրադառնալով ԱՄՆ-ի արտասովոր արձագանգին՝ ԱԳ նախարար Հոսէյն Ամիր Աբդօլլահեանի հնչեցրած յայտարարութիւնների առնչութեամբ, Իրանի եւ ԱՄՆ-ի միջեւ բանտարկեալների փոխանակման թեմայով, նշել է. «Նախորդ տարւայ մարտ ամսին մի միջնորդի միջոցով գրաւոր համաձայնութիւն է ձեռք բերւել բանտարկեալների փոխանակման վերաբերեալ, որը նաեւ ստորագրել է ԱՄՆ-ի պաշտօնական ներկայացուցիչը, սակայն համաձայնագիրը դեռեւս չի գործադրւել՝ ԱՄՆ-ի առաջ քաշած տարբեր պատճառաբանութիւնների հետեւանքով:
Նախորդ շաբաթներին նոյնպէս անուղղակի պատգամներ են փոխանակւել կողմերի միջեւ՝ դրա (պայմանաւորւածութիւնների, Խմբ.) թարմացման նպատակով»:
Նշենք, որ Իրանի արտաքին գործերի նախարար Հոսէյն Ամիր Աբդօլլահեանը յայտարարել է, որ պայմանաւորւածութիւն է ձեռք բերւել Իրանի եւ ԱՄՆ-ի միջեւ գերիների փոխանակման վերաբերեալ:
