Արցախի պետական նախարար Ռուբէն Վարդանեանն «Ֆէյսբուք»-ի իր էջի ուղիղ եթերում անդրադարձել է Արցախում սննդի կտրոններ ներդնելու հարցին։

Ուկրայինայի չէզոք կարգավիճակը թոյլ կը տայ աւարտել հակամարտութիւնը Ռուսաստանի հետ, իր նոր գրքում գրել է ԱՄՆ նախկին պետքարտուղար Հենրի Քիսինջերը: Ինչպէս հաղորդում է «Արմէնպրես»-ը՝ վկայակոչելով «ՌԻԱ Նովոստի»-ն, նախկին դիւանագէտի կարծիքով, հէնց ՆԱՏՕ-ից դուրս Ուկրայինայի գտնւելը թոյլ կը տայ լուծել իրավիճակը:

Հունաստանի կառավարութիւնը պատրաստ է սկսել ցանկապատի աստիճանական ընդլայնումը Թուրքիայի հետ Էւրոսի սահմանի ողջ երկայնքով, Skai TV-ին տւած հարցազրոյցում ասել է Քաղաքացիական պաշտպանութեան նախարար Տակիս Թեոդորիկակոսը։

Ֆրանսիայի եւ Գերմանիայի յարաբերութիւնները եւրոպական նախագծի հիմքում են եւ եւրոպական կայունութեան բանալին են, սակայն դաշինքը փլուզւում է: Ուկրայինայի պատերազմը խորացրել է Եւրոմիութեան ազդեցության կենտրոնի տեղաշարժը դէպի «Կենտրոնական Եւրոպա»՝ Գերմանիա եւ նրա արեւելեան հարեւաններ, որտեղ, ի տարբերութիւն Գերմանիայի, Ֆրանսիայի դիրքերը երբեք համեմատաբար տպաւորիչ չեն եղել: Երկու երկրներն էլ տարաձայնութիւններ ունեն Եւրոպայում տիրող էներգետիկ ճգնաժամի եւ նրանց պաշտպանական քաղաքականութեան շուրջ: Ինչ կը նշանակեն աճող տարաձայնութիւնները ԵՄ-ի համար ռուս-ուկրայինական պատերազմի գագաթնակէտին, երբ Եւրոպային աւելի շատ համագործակցութիւն է անհրաժեշտ, գրում է Modern Diplomacy-ն։

«ԱԺԲ կոչւող հրոսակախումբը «հերոսաբար» շրջափակում է Գիւմրի ռուսական ռազմաբազան, պահանջելով բացել Բերձորի միջանցքը։ Քաղաքագիտութիւնից տարրական գիտելիքներ ունեցող ցանկացած ոք գիտակցում է, որ ռուս խաղաղապահներն ու Գիւմրիում տեղակայված ռազմաբազան միանգամայն տարբեր գործառոյթներ ունեն։ Առաջինն՝ ապահովում է Արցախի անվտանգութիւնը եւ պարտաւոր է կողմերի միջեւ չէզոքութիւն պահպանել, երկրորդը՝ որպէս Հայաստանի դաշնակից երկրի ռազմաբազա՝ ապահովում է Հայաստանի անվտանգութիւնը, Թուրքիայի կողմից հնարաւոր յարձակման դէպքում։ Չեմ կարծում, որ այս, ինչպէս նշեցի տարրական ճշմարտութիւնը չեն հասկանում հաւաքի կազմակերպիչները։ Իհարկէ, հասկանում են։ Այդ դէպքում հարց է առաջանում․ ի՞նչ նպատակ է հետապնդում այս «հերոսական» ակցիան։