Հա

Քաղաքական

30/08/2014 - 12:00

ՏԵՍԱԿԷՏ - Միջին Արեւելքի իրադրութիւնը տեղի հայկական դասական համայնքները նօսրացման վտանգի տակ է դրել

Մերձաւոր եւ Միջին Արեւելքում տեղի ունեցող բախումների եւ ծայրայեղականների քաղաքականութեան հետեւանքով տեղի հայկական դասական համայնքները նօսրացման վտանգի տակ են:
Օգոստոսի 25-ին լրագրողների հետ հանդիպմանն այս մասին նշեց Բէյրութի «Ազդակ» օրաթերթի խմբագիր Շահան Գանտահարեանը:

«armenpress.am» - Մերձաւոր եւ Միջին Արեւելքում տեղի ունեցող բախումների եւ ծայրայեղականների քաղաքականութեան հետեւանքով տեղի հայկական դասական համայնքները նօսրացման վտանգի տակ են:
Օգոստոսի 25-ին լրագրողների հետ հանդիպմանն այս մասին նշեց Բէյրութի «Ազդակ» օրաթերթի խմբագիր Շահան Գանտահարեանը:
«Միջին Արեւելքում այսօր տիրող ընդհանուր միտումն ապաքրիստոնէացման գործընթացն է: Արաբական գարունը դիմափոխւել է այլ զարգացումների եւ հիմնական վտանգն այսօր՝ ոչ միայն տարածաշրջանում, այլեւ աշխարհում, իսլամական ծայրայեղ դրսեւորումներն են, որոնք սպառնում են ինչպէս տեղում ապրող քրիստոնեայ բնակիչներին, այնպէս էլ՝ միւս այլադաւաններին: Ինչպէս տեսնում ենք, ցեղային զտման գործողութիւններ են կիրառւում եզդիների հանդէպ»,- ասաց Գանտահարեանը՝ նկատելով, որ այս գործընթացների անմիջական հետեւանքը արտահոսքն է՝ Միջին Արեւելքի հայաթափութիւնը:
«Արմէնպրես»-ի այն հարցին, թէ Մերձաւոր եւ Միջին Արեւելքում սկսւած զանգւածային արտագաղթն ինչպէս կազդի Հայկական Սփիւռքի ընդհանուր նկարագրի վրայ, «Ազդակ» օրաթերթի խմբագիրը նկատեց, որ Հայաստանի Հանրապետութեան եւ հայոց պետականութեան գոյութեան պայմաններում հայապահպանման վտանգը նւազագոյնի է հասցւած: «Եթէ նախկինում Միջին Արեւելքը շատ կարեւոր միջավայր էր Հայկական Սփիւռքի հայապահպանման համար, ապա այսօր Սփիւռքի կապը Հայաստանի հետ շատ աւելի ակտիւ է: Իհարկէ, դեռ շատ բան կայ անելու եւ Հայաստանի Հանրապետութիւնը, Սփիւռքի կառոյցները պէտք է ռազմավարական, քաղաքական, մշակութային, անվտանգութեան եւ լեզւական տեսանկիւններից համատեղ քննարկումներ անցկացնեն՝ Հայկական Սփիւռքն իր բոլոր ենթաշերտերով ուսումնասիրելու եւ նոր հեռանկարներ նախանշելու համար»,- ասաց Գանտահարեանը: Մերձաւոր Արեւելքի հայութիւնը ուղիղ կամ տարանցիկ երկրի միջոցով վերջնական արդիւնքում գլխաւորապէս գաղթում է Եւրոմիութեան երկրներ կամ Միացեալ Նահանգներ:
Լոս Անջելէսում լոյս տեսնող «Ասպարէզ» օրաթերթի խմբագիր Աբօ Պօղիկեանի ասութեամբ՝ Միջին Արեւելքում տեղի ունեցող գործընթացներն ազդում են նաեւ Միացեալ Նահանգներում ապրող հայ համայնքների վրայ: «Կալիֆորնիայի հայ համայնքը փորձում է ներգրաւել նոր եկողներին, բայց հիմքը սխալ է դրւած: Երբ Հայաստանից ԱՄՆ եկան առաջին արտագաղթողները, տեղի համայնքը պատրաստ չէր նրանց ընդունելու, ուստի՝ յարաբերութիւններն այդքան էլ առողջ հիմքերի վրայ չդրւեցին: Սակայն, վերջին շրջանում համազգային որոշ խնդիրների պատճառով՝ այն աւելի համախմբւեց»,- պարզաբանեց Պօղիկեանը՝ նկատելով, որ նոր արտագաղթողներն իրենց ներկայութեամբ աւելի են ամրապնդում հայկական գործօնն Արեւմուտքում, եւ որ համատեղ ջանքերով հնարաւոր կը լինի, վնասը վերածել ինչ-որ շահի»:
Ասուլիսի ընթացքում անդրադարձ կատարւեց նաեւ օբիեկտիւ եւ ճշգրիտ լրատւութեան կարեւորութեանը: Բանախօսները նշեցին, որ շատ կարեւոր է խուճապային լրատւութիւնից խուսափել: Հայաստանեան լրագրողները բարձրացրեցին Մերձաւոր Արեւելքի թէժ կէտերից հաւաստի աղբիւրի պակասի խնդիրը:

Յարակից լուրեր

  • Լիբիայում բախւում են թուրքական եւ ռուսական շահերը նախանշելով հայկական քաղաքական ուրւագծեր
    Լիբիայում բախւում են թուրքական եւ ռուսական շահերը նախանշելով հայկական քաղաքական ուրւագծեր

    Լիբիայի պատերազմում հայկական առումով նախագործօնային ինչ ուղղութիւններ են նկատւում. «Նոյեան տապան»-ի հարցին պատասխանում է քաղաքական վերլուծաբան Շահան Գանտահարեանը։

  • Էր Ռիադի եւ Թել Աւիւի երկխօսութիւնը
    Էր Ռիադի եւ Թել Աւիւի երկխօսութիւնը

    1948-ին հրէական պետականութեան վերականգնումը վերափոխեց Մերձաւոր Արեւելքի առաջատար խաղացողների, այդ թւում՝ Սաուդեան Արաբիայի խաղաթղթերը։ Յաջորդ տասնամեակներում Էր Ռիադի մերձաւորարեւելեան քաղաքականութիւնում առանցքային հարցերից մէկը պաղեստինեան հարցի «արդարացի» կարգաւորումն էր։ Իրականում Սաուդեան Արաբիային մտահոգում էր Մերձաւոր Արեւելքում, ի դէմս Իսրայէլի, նոր հակառակորդի ի յայտ գալն ու ազդեցութեան գօտիների վերաբաշխման հնարաւոր վտանգները։

  • Մտահոգիչ է, որ համանախագահող երկիրը նման յայտարարութիւն է անում
    Մտահոգիչ է, որ համանախագահող երկիրը նման յայտարարութիւն է անում

    ՌԴ ԱԳ նախարար Սերգէյ Լաւրովի յայտարարութիւնը շատ մտահոգիչ է։ Tert.am-ի հետ զրոյցում նման կարծիք յայտնեց Լիբանանի «Ազդակ» օրաթերթի գլխաւոր խմբագիր Շահան Գանտահարեանը։

  • «Համավարակը կարող է նոր աշխարհակարգի յանգեցնել»․ Շահան Գանտահարեան
    «Համավարակը կարող է նոր աշխարհակարգի յանգեցնել»․ Շահան Գանտահարեան

    Բէյրութի «Ազդակ»  օրաթերթի գլխաւոր խմբագիր Շահան Գանդահարեանը կարծում է, որ համավարակի յաղթահարումից յետոյ փոփոխութեան է ենթարկւելու ոչ միայն աշխարհակարգը, այլեւ բոլորիս առօրեան ու աշխատանքի պայմանները։ Առցանց ու հեռավար աշխատանքի անցնելու միտումները զգացւում են ոչ միայն տեղեկատւութեան, այլեւ տնտեսութեան մի շարք ոլորտներում։

  • Ակնարկ. Անյաղթահարելի պայմաններ եւ իրաւական ելքեր
    Ակնարկ. Անյաղթահարելի պայմաններ եւ իրաւական ելքեր

    Արցախի մէջ պսակաձեւ ժահրի առաջին վարակակիրի հաստատման լուրը անմիջապէս մտածել կու տայ նախագահական ընտրութեան երկրորդ փուլի կայացման կամ չկայացման հաւանականութիւններուն մասին: Բնականաբար, մինչեւ նոր նախագահի ընտրութիւնը, պետութեան գլուխի լիազօրութիւնները կը շարունակէ վարել պաշտօնավարման շրջանը աւարտող գործող նախագահը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։