Հա

Քաղաքական

15/10/2013 - 13:50

Արցախի նախագահը Բելգիայում է

Արցախի Հանրապետութեան նախագահ Բակօ Սահակեանը աշխատանքային այցով ժամանել է Բելգիայի Թագաւորութիւն: Արցախի Հանրապետութեան նախագահի աշխատակազմի Տեղեկատւութեան գլխաւոր վարչութեան հաղորդմամբ՝ երէկ Բ. Սահակեանը մասնակցել է նոյն օրը Բրիւսէլում մեկնարկած Եւրոպայի հայութեան 3-րդ համաժողովին:

«panorama.am» - Արցախի Հանրապետութեան նախագահ Բակօ Սահակեանը աշխատանքային այցով ժամանել է Բելգիայի Թագաւորութիւն: Արցախի Հանրապետութեան նախագահի աշխատակազմի Տեղեկատւութեան գլխաւոր վարչութեան հաղորդմամբ՝ երէկ Բ. Սահակեանը մասնակցել է նոյն օրը Բրիւսէլում մեկնարկած Եւրոպայի հայութեան 3-րդ համաժողովին:
Իր ողջոյնի խօսքում Բակօ Սահակեանը նման միջոցառումները կարեւոր է համարել ինչպէս Եւրոպայում ապրող մեր հայրենակիցների եւ այստեղ գործող հայկական կազմակերպութիւնների համար, այնպէս էլ Հայրենիքի հետ կապերի շարունակական ամրապնդման ու խորացման տեսանկիւնից:
Բ. Սահակեանի ասութեամբ՝ Արցախում յատուկ ուշադրութիւն է դարձւում Սփիւռքում գործող տարբեր կազմակերպութիւնների հետ փոխգործակցութեանը, եւ այս համատեքստում առանձնակի կարեւորում են եւրոպական ուղղութեան նշանակութիւնը:
Բ. Սահակեանն ընդգծել է, որ անընդհատ զարգացող եւ փոփոխւող աշխարհը թելադրում է համապատասխան շտկումներ մտցնել նաեւ Սփիւռք-Արցախ համագործակցութեան մէջ՝ պահպանելով եւ է՛լ աւելի խորացնելով ձեւաւորւած աւանդական փոխգործակցութեան տարրերը, միեւնոյն ժամանակ յատուկ ուշադրութիւն դարձնելով նոր ուղղութիւններին ու գաղափարներին:
Այս համատեքստում Բակօ Սահակեանն առանձնացրել է Սփիւռքի տարբեր կազմակերպութիւնների եւ Արցախի ու Հայաստանի շահագրգիռ կառոյցների միջեւ համակարգւած աշխատանքի իրականացումը ԼՂՀ-ի միջազգայնօրէն ճանաչման, երկկողմ յարաբերութիւնների հաստատման, Արցախն աւելի ճանաչելի դարձնելու, մեր երկիրը որպէս անվտանգ եւ կայուն զարգացող պետութիւն ներկայացնելու, ներդրումների համար ամենագրաւիչ ոլորտներն ու ծրագրերը պատշաճ կերպով մատուցելու եւ կեղծիքի ու ստի վրայ հիմնւած հակառակորդի կողմից տարւող սադրիչ քաղաքականութեանն օպերատիւ արձագանգելու ուղղութիւնները:
Միջոցառմանը մասնակցում էին՝ Հայ Առաքելական Եկեղեցու Մեծի Տանն Կիլիկիոյ կաթողիկոս Արամ Ա-ն, Հայ Առաքելական Եկեղեցու Ֆրանսիայի թեմի առաջնորդ Նորվան արք. Զաքարեանը, ՀՀ Ազգային ժողովի նախագահ Յովիկ Աբրահամեանը, ԼՂՀ-ի փոխվարչապետ Արթուր Աղաբէկեանը արտգործնախարար Կարէն Միրզոյեանը եւ այլ պաշտօնատար անձինք:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։