Աստանայում մեկնարկած միջսիրիական բանակցութիւնների շրջանակում, երէկ՝ յունւարի 23-ին իրանական պատւիրակութեան ղեկավար, արաբա-աֆրիկեան հարցերով ԱԳ նախարարի տեղակալ Հոսէյն Ջաբերի Անսարին հանդիպել է Սիրիայի Հարցով ՄԱԿ-ի Գլխաւոր քարտուղարի յատուկ ներկայացուցիչ Ստեֆան դէ Միստուրայի հետ: Այս մասին տեղեկացնում է ԻՌՆԱ-ն:
«ԱԼԻՔ» - Աստանայում մեկնարկած միջսիրիական բանակցութիւնների շրջանակում, երէկ՝ յունւարի 23-ին իրանական պատւիրակութեան ղեկավար, արաբա-աֆրիկեան հարցերով ԱԳ նախարարի տեղակալ Հոսէյն Ջաբերի Անսարին հանդիպել է Սիրիայի Հարցով ՄԱԿ-ի Գլխաւոր քարտուղարի յատուկ ներկայացուցիչ Ստեֆան դէ Միստուրայի հետ: Այս մասին տեղեկացնում է ԻՌՆԱ-ն:
Հանդիպմանը, կողմերը քննարկել են բանակցութիւնների հետ կապւած թեմաներ եւ յոյս են յայտնել, որ բանակցութիւնները կունենան ցանկալի արդիւնք:
Ջաբերի Անսարին կարեւորել է սիրիական ճգնաժամի քաղաքական կարգաւորման հարցում ՄԱԿ-ի դերակատարութիւնը՝ նշելով, որ Իրանի, Ռուսաստանի եւ Թուրքիայի եռակողմ ջանքերը կոչւած չեն փոխարինելու ՄԱԿ-ի «Սիրիայի բարեկամներ» (ISSG) առաքելութեանը:
Նշենք որ երէկ, Աստանայի բանակցութիւնների առաջին օրւայ աւարտից յետոյ, կայացել է Իրանի, Ռուսաստանի եւ Թուրքիայի պատւիրակութիւնների հերփական հանդիպումը, որի ընթացքում կողմերը քննարկել են բանակցութիւնների ամփոփիչ յայտարարութեան տեքստը:
