Հա

Քաղաքական

16/02/2017 - 13:11

Թրամփ-Նեթանեահու. պոպուլիստների հակաիրանական «մեծ դաշինք»

Թրամփ-Նեթանեահու. պոպուլիստների հակաիրանական «մեծ դաշինք»

Թրամփ-Նեթանեահու. պոպուլիստների հակաիրանական «մեծ դաշինք»

ԱՐԱՄ ՇԱՀՆԱԶԱՐԵԱՆ

 Դոնալդ Թրամփը ցանկանում է վերաբանաձեւել Միացեալ Նհանգների մերձաւորարեւելեան քաղաքականութիւնը:

Նախօրէին Վաշինգտոնում կայացած Թրամփ- Նեթանեահու հանդիպման արդիւնքները յուշում են այդ մասին:

Այդ մասին առաջին նախանշաններն ի յայտ եկան դեռեւս Իսրայէլի վարչապետի վաշինգտոնեան այցի նախօրէին, երբ Սպիտակ տունը հանդէս եկաւ աղմկոտ յայտարարութեամբ՝ նշելով, որ պաշտօնական Վաշինգտոնն այլեւս «երկու պետություն» սկզբունքը չի դիտարկում որպէս պաղեստինա-իսրայէլական կոնֆլիկտի կարգաւորման նախապայման:

Սա հէնց այն էր՝ ինչին տեւական ժամանակ համառօրէն ձգտում էր Նեթանեահուն, որը նշանակում է, որ Իսրայէլի գործող կառավարութիւնն այսուհետ աւելի համարձակօրէն  է կարող առաջ տանել պաղեստինեան տարածքներում նոր բնակավայրերի կառուցման իր քաղաքականութիւնը, որը կոչւած է առաւել ամրապնդելու Իսրայէլի դիրքերը Յորդանան գետի արեւմտեան ափի բռնագրաււած տարածքներում:

Նեթանեահուիի վաշինգտոնեան այցի երկրորդ՝ ոչ պակաս կարեւորութիւն ներկայացնող նպատակն Իրանի դէմ Սպիտակ տան դիրքերի առաւել կոշտացումն էր:

Գաղտնիք չէ, որ Միջուկային գործարքից ի վեր, պաշտօնական Թել Աւիւը բազմիցս իր դժգոհութիւնն ու մտավախութիւնն էր յայտնել այդ կապակցութեամբ: Միջուկային գործարքի կայացումը Իսրայէլի վարչակարգի համար ռազմավարական լրջագոյն ձախողում էր, որի վիժեցման համար վարչապետ Նեթանեահուհուն անձամբ, որեւէ ջանք չէր խնայել:

Թրամփի համար, Նեթանեահուի այցի երկրորդ փորձութիւնը իրանական թեստն էր, որը, նա նոյնպէս «պատւով» յաղթահարեց:

Այցի արդիւնքում, Վաշինգտոնն ու Թել Աւիւը պայմանաւորւեցին տարբեր բնագաւառներում ձեւաւորել աշխատանքային համատեղ խմբեր, որոնց հիմնական նպատակներից է լինելու այսպէս կոչւած «Իրանին զսպելը»:

Նեթանեահուի հետ հանդիպման ժամանակ Թրամփը կրկին նշեց, թէ Իրանի հետ միջուկային գործարքը «երբեւէ կայացած վատագոյն գործարքներից մէկն է» եւ, որ Վաշինգտոնը երբեւէ թոյլ չի տայ, որպէսզի Իրանը ձեռք բերի միջուկային զէնք:

Հանրագումարում կարելի է եզրակացնել, որ Նեթանեահուի ամերիկեան ուղեւորութիւնը միանշանակօրէն ստացւել է: Նա հասել է առաւելագոյն այն ինչին, որ թիրախւորել էր այցի նախօրէին:

Փաստօրէն նրան յաջողւել է գոնէ նախագահի մակարդակով կազմաքանդել ԱՄՆ-ի նախորդ վարչակարգի ձեւաւորած մերձաւորարեւելեան քաղաքականութիւնը: Թրամփի հետ միասին, նա ձեւաւորել է պոպուլիստների հակաիրանական «մեծ դաշինք»:

Այս համատեքստում, մեզ մնում է սպասել՝ տեսնելու համար, թէ ԱՄՆ-ի իշխանական այլ օղակներին, այդ թւում՝ Կոնգրեսին կը յաջողւի՞ արդեօք կասեցնել Միացեալ Նահանգների մերձաւորարեւելեան քաղաքականութեան կտրուկ փոփոխութիւնը, թէ՝ ոչ: Տեսանելի ապագայում, հիմնականում դրանով է պայմանաւորւելու Մերձաւոր Արեւելքի տարածաշրջանային եւ արտատարածաշրջանային գլխաւոր խաղացողների դիրքային վերադասաւորումները, տարածաշրջանում ուժային յարաբերակցութեան փոփոխութիւնն ու ծաւալւող հնարաւոր իրադարձութիւնները:

 

Յարակից լուրեր

  • Ռուբիկոնն յաղթահարւած է
    Ռուբիկոնն յաղթահարւած է

    Կայացնել որոշումներ առանց անմիջական պատասխանատւութիւն կրելու եւ առանց անհրաժեշտ գիտելիքներ եւ տեղեկութիւն ունենալու։ Սա պոպուլիզմի ամենաանմիջական բնութագիրն է:

    Քաղաքականութիւն, որը թիրախաւորում է լայն զանգւածներին, խոստանում է նրանց արագ եւ հեշտ լուծում սոցիալական սուր խնդիրների համար, ներկայացնելով ոչ թէ բարդ իրականութիւնը, այլ այն, ինչ մարդիկ ցանկանում են: Իսկ մարդիկ ընդհանրապէս ցանկանում են խուսափել բարդ իրականութիւնից եւ նախընտրում են պարզ եւ արագ իրականացւող մակերեսային լուծումներ։

  • Միացեալ Հայաստանը՝ որպէս նւիրական իդէալ եւ տեսլական
    Միացեալ Հայաստանը՝ որպէս նւիրական իդէալ եւ տեսլական

    Մայիսի 28-ն անկասկած մեր պատմութեան ամենապայծառ էջն է: Այն սեփական անկախ պետականութիւն ունենալու նպատակով հայ ժողովրդի անբեկանելի կամքի մարմնաւորման տօնն է:

    Մայիսի 28-ի մասին շատ է խoսւել ու գրւել: Եւ դեռ էլի է խօսւելու ու գրւելու: Եւ դա բնական է, որովհետեւ այն մի բացառիկ իրադարձութիւն էր, որին մենք սպասել էինք 6 դար շարունակ՝ կորսւած անկախութեան պայմաններում:

  • «Սիւնիքի հարցով Իրանն իրադարձութիւններին կը ներգրաււի այնքան, որքան դա կը պահանջի եւ կը ցանկանայ Հայաստանը». Արամ Շահնազարեան
    «Սիւնիքի հարցով Իրանն իրադարձութիւններին կը ներգրաււի այնքան, որքան դա կը պահանջի եւ կը ցանկանայ Հայաստանը». Արամ Շահնազարեան

    Ադրբեջանի կողմից ՀՀ պետական սահմանի հատումը, յատկապէս Սիւնիքի ուղղութեամբ, Alikonline-ի պատասխանատու-խմբագիր Արամ Շահնազարեանը հակւած է որոշակիօրէն դիտարկել նաեւ Հարաւային Կովկասում ակտիւօրէն ընթացող աշխարահաքաղաքական նոր խմորումների համատեքստում:

  • «Իրանական շրջանակներում նորից սկսել են խօսել, որ Սիւնիք-Զանգեզուրի հաւանական կորուստը աղէտ է լինելու Իրանի ազգային անվտանգութեան եւ տարածքային ամբողջականութեան համար». Արամ Շահնազարեան
    «Իրանական շրջանակներում նորից սկսել են խօսել, որ Սիւնիք-Զանգեզուրի հաւանական կորուստը աղէտ է լինելու Իրանի ազգային անվտանգութեան եւ տարածքային ամբողջականութեան համար». Արամ Շահնազարեան

    Թէ ինչպէս են Զանգեզուրի, Մեղրիի միջանցքի մասին ադրբեջանական յայտարարութիւններն ընդունւում Իրանում, 168.am-ի հետ զրոյցում Alikonline-ի պատասխանատու-խմբագիր Արամ Շահնազարեանը նշեց, որ Իրանում մտահոգութեամբ են հետեւում Մեղրիի կամ, այսպէս ասած, Զանգեզուրի միջանցքի հետ կապւած զարգացումներին:

  • Մեր ԱԼԻՔ-ը դարձաւ 90 տարեկան
    Մեր ԱԼԻՔ-ը դարձաւ 90 տարեկան

    22 մարտի 1931 թւական. լոյս աշխարհ եկաւ ԱԼԻՔ-ի առաջին համարը։

    Հայ մամուլի ընտանիքի բոլոր զաւակների պէս, ԱԼԻՔ-ը եւս անսահման սիրոյ եւ նւիրումի ծնունդ էր, որին յաջողւեց հասակ առնել, անցնել անասելի դժւար ճանապարհով, յաղթահարել բազում փորձութիւններ, պահպանել իր գոյութիւնը, եւ, ամենակարեւորը՝ իր բարոյական-գաղափարական ուղենիշը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։