Ակնյայտ է, որ այն մեթոդը, ինչ ընտրել է իշխանութիւնը տանում է առճակատման եւ ամբողջ պատասխանատւութիւնը իշխանութեան վրայ է: Այս մասին այսօր՝ յունիսի 14-ին լրագրողների հետ զրոյցում ասաց ՀՅԴ ԳՄ անդամ Արծւիկ Մինասեանը:
«alikonline.ir» - Ակնյայտ է, որ այն մեթոդը, ինչ ընտրել է իշխանութիւնը տանում է առճակատման եւ ամբողջ պատասխանատւութիւնը իշխանութեան վրայ է: Այս մասին այսօր՝ յունիսի 14-ին լրագրողների հետ զրոյցում ասաց ՀՅԴ ԳՄ անդամ Արծւիկ Մինասեանը, ով նոյնպէս ԱԱԾ-ի մօտ էր:
«Որովհետեւ ճանապարհը որ ընտրել է` քաղաքական ընդդիմախօսութեանը այսպիսի մեթոդներով պատասխանելու, բերելու է շատ աւելի ծանր ու դժւար հետեւանքների: Ուստի ժամ առաջ, վայրկեան առաջ իշխանութիւնը պէտք է գիտակցի այս ամէնը, իրաւապահ մարմիններին չպէտք է օգտագործի այս գործընթացում, առաւել եւս, որ կանոնադրութեան համաձայն ԱԺ պատգամաւորին չի կարելի քրէական հետապնդման ենթարկել` առանց ԱԺ համաձայնութեան: Խախտւած է ամէն ինչ` Սահմնադրութիւնից սկսած, բարոյական նորմերից աւարտւած, հետեւաբար դատապարտելի է այս ամբողջ երեւոյթը»,- ասաց նա:
Արծւիկ Մինասեանը հարցին, թէ կը միանա՞ն արդեօք Գագիկ Ծառուկեանին, ասաց, որ իրենք արդէն հանդէս են եկել յայտարարութեամբ, որ ստեղծեն նախաձեռնող կազմկոմիտէ, որը արտակարգ գործողութիւններ կիրականացնի եւ քաղաքական իշխանութեանը պատասխանատւութեան կը կանչեն:
