Հա

Հասարակական

23/05/2016 - 09:50

Հաղորդագրութիւն

«Համազգային» Հայ կրթական եւ մշակութային միութեան Կենտրոնական վարչութիւնը այսու կը ծանուցէ, թէ 1962-ին ծնունդ առած «Բագին»-ը այս տարի կը թեւակոխէ նոր հանգրւան մը:
54 տարիներէ ի վեր, Սփիւռքի մտաւորական ընտրանին «Բագին»-ի մէջ գտած է ստեղծագործական եւ բանասիրական երկակի հարթակ մը, որուն վրայ վաւերական անուններու կողքին երեւցած ու կազմաւորւած են անոնց յաջորդող սերունդները:

«Համազգային» Հայ կրթական եւ մշակութային միութեան Կենտրոնական վարչութիւնը այսու կը ծանուցէ, թէ 1962-ին ծնունդ առած «Բագին»-ը այս տարի կը թեւակոխէ նոր հանգրւան մը:
54 տարիներէ ի վեր, Սփիւռքի մտաւորական ընտրանին «Բագին»-ի մէջ գտած է ստեղծագործական եւ բանասիրական երկակի հարթակ մը, որուն վրայ վաւերական անուններու կողքին երեւցած ու կազմաւորւած են անոնց յաջորդող սերունդները: Կարօ Սասունիով, Եդւարդ Պոյաճեանով ու Պօղոս Սնապեանով ձեւաւորւած «Բագին»-ը այսօր կը հանդիսանայ գրականութեան եւ արւեստի նւիրւած՝ Սփիւռքի ամենէն երկարակեաց եւ յարգելի հանդէսը:
2003-ին վերոյիշեալ անուններուն յաջորդող խմբագիրը, Յակոբ Պալեան, տասներկու տարիներ իր մտասեւեռման առարկայ դարձուց «Բագին»-ը, ապահովելով անոր անխափան հրատարակութիւնը, եւ այդ ճամբով գուրգուրալով արեւմտահայ գրական մթնոլորտի պահպանման վրայ: Միաժամանակ, ան «Բագին»-ին բերաւ դեռահաս աշխատակիցներ, որոնք կը շարունակեն բոլորւիլ «Բագին»-ին շուրջ այսօր: 2015-ի աւարտին, իր տարիքի բերմամբ, Յակոբ Պալեան «Բագին»-ի խմբագրի պաշտօնէն կամովին դադրելու խնդրանք ներկայացուց «Համազգային»-ի Կենտրոնական վարչութեան, որ ընթացք տւաւ ընկերոջ փափագին: Այսու մեր շնորհակալութիւնը կը յայտնենք Յակոբ Պալեանին, իր պաշտօնավարութեան ընթացքին իր դերակատարութեան եւ «Բագին»-ին մատուցած ներդրման համար:
«Բագին»-ը այժմ կը մտնէ փոխանցման թարմ շրջան մը: Արդարեւ, «Համազգային»-ի Կենտրոնական վարչութիւնը ուրախութեամբ կը ծանուցէ, թէ 1 յունւարի 2016-էն սկսեալ, «Բագին»-ի խմբագիր նշանակած է Սոնա Քիլէճեան-Աճեմեանը, իսկ փոխխմբագիր Նորա Բարսեղեանը: Անոնց կողքին պիտի գործէ խմբագրական խորհուրդ մը, հետեւեալ կազմով՝ Քրիստիան Բատիկեան, Մարուշ Երամեան, Վիգէն Թիւֆէնքճեան, Յակոբ Կիւլլիւճեան, Աւետիս Հաճեան, Շաղիկ Մկրտիչեան, Վարդան Մատթէոսեան, Արքմենիկ Նիկողոսեան, Արամ Պաչեան, Սեւան Տէյիրմէնճեան, Միրնա Տուզճեան եւ Յարութիւն Քիւրքճեան:
Նոր շրջանի «Բագին»-ի անդրանիկ թիւը որ պիտի ըլլայ միացեալ՝ լոյս պիտի տեսնէ յուլիս 2016-ին: «Համազգային»-ի Կենտրոնական վարչութիւնը վստահ է, որ «Բագին»-ի նորանշանակ՝ խմբագիրը, փոխխմբագիրն ու խմբագրական խորհուրդը պիտի շարունակեն ամրագրել զիրենք նախորդողներուն աւանդը, միաժամանակ սատարելով արեւմտահայերէնի պահպանման, Սփիւռքի թէ Հայաստանի մէջ ծաւալող ստեղծագործական ու իմաստասիրական ճիգին դէպի «Բագին» ուղղորդման եւ իմացական խօսքի հնչեղութեան:

Կենտրոնական վարչութիւն
«Համազգային» Հայ կրթական եւ մշակութային միութեան
Բէյրութ, 11 ապրիլի 2016

Յարակից լուրեր

  • Երկխօսութեան, համագործակցութեան եւ Սփիւռքի հետ յարաբերութեան մասին
    Երկխօսութեան, համագործակցութեան եւ Սփիւռքի հետ յարաբերութեան մասին

    Երբ 1992-ին օրին ՀՅԴ Բիւրոյի ներկայացուցիչ Հրայր Մարուխեան անարդարօրէն եւ վատաբար Հայաստանէն վտարուեցաւ ՀՀ նախագահ Լեւոն Տէր-Պետրոսեանի կողմէ, իր հրապարակային առաջին ելոյթին ընթացքին Դաշնակցութեան ղեկավարը, հակառակ ամէն ինչի, յայտարարեց որ կուսակցութիւնը իր ձեռքը երկարած կը պահէ հայրենի իշխանութիւններուն եւ պատրաստ կը մնայ համագործակցութեան:

  • Սփիւռք-Հայաստան յարաբերութիւններու (թաւշեայ) մթնշաղին
    Սփիւռք-Հայաստան յարաբերութիւններու (թաւշեայ) մթնշաղին

    Թաւշեայ յեղափոխութեան յաջորդեց իմքայլական կառավարութեան առաջին տարին: Որքանո՞վ 2019-ին իրականացաւ համակարգային փոփոխութիւններուն մեծ խոստումը: Ի՞նչ անդրադարձ ունեցաւ Հայաստան-Սփիւռք յարաբերութիւններուն վրայ եւ ի՞նչ հեռանկար բացաւ անոնց զարգացման նպատակամղուածութեան իմաստով: Այս հարցումներու բանաձեւումն ու անոնց մեկնաբանական պատասխաններ առաջարկելու այս փորձը կը ձգտի հասնիլ Սփիւռքի յետ-թաւշեայ յեղափոխութեան այս հանգրուանին մասին մտածելու հրաւիրող եզրայանգումներու:

  • Անտեսուած մտահոգութիւն
    Անտեսուած մտահոգութիւն

    Թրքալեզու երկիրներու վեհաժողովին, որ տեղի ունեցաւ Պաքուի մէջ հոկտեմբեր 15, 2019-ին, Ատրպէյճանի եւ Թուրքիոյ Նախագահները կատարեցին հակահայ թշնամական յայտարարութիւններ: Ատրպէյճանի նախագահ Իլհամ Ալիեւը յայտարարեց, որ Զանգեզուրը (Սիւնիքը) պատմականօրէն Ատրպէյճան է եւ անոր փոխանցումը Հայաստանին պատճառ դարձած է թրքական աշխարհի բաժանման: Իր կարգին, Ռեճեփ Թայիփ Էրտողան յայտարարած է, որ Թուրքիան իր լաւագոյնը պիտի կատարէ ապահովելու Ատրպէյճանի հողային ամբողջականութիւնը:

  • «Համազգային»-ի նորահրատ գրքերը ներկայացւեցին ԵՊՀ Իջեւանի մասնաճիւղում
    «Համազգային»-ի նորահրատ գրքերը ներկայացւեցին ԵՊՀ Իջեւանի մասնաճիւղում

    Պայքարել ենք տարբեր ճակատներում՝ ֆիզիկական, հոգեւոր, բարոյական, մտաւոր, մշակութային, կրթական: Եւ ահա կրթական եւ մշակութային ճակատի պայքարողներից մէկը եղել է աւելի քան ինը տասնամեակ արդիւնաւէտ ազգային գործունէութիւն ծաւալող Համազգային Հայ կրթական եւ մշակութային միութիւնը. Yerkir.am-ի փոխանցմամբ՝ այս մասին յայտարարեց ԵՊՀ Իջեւանի մասնաճիւղի պատմութեան ֆակուլտետի դեկան, պ.գ.թ., դոցենտ Վարդան Ալեքսանեանը, ով ողջունեց «Համազգային»-ի երեւանեան գրասենեակի պատւիրակութեան այցը ԵՊՀ ԻՄ:

  • «Յետյեղափոխական զարգացումները մեզ տանում են դէպի փակուղի, որեւէ ոլորտում էական աճ չունենք». Արթուր Խաչատրեան
    «Յետյեղափոխական զարգացումները մեզ տանում են դէպի փակուղի, որեւէ ոլորտում էական աճ չունենք». Արթուր Խաչատրեան

    Յետյեղափոխական զարգացումները մեզ տանում են դէպի փակուղի, չի բացառւում, որ անսպասելի զարգացումներ լինեն, յստակ է, որ տնտեսական առաջխաղացում չունենք, արտաքին քաղաքականութեան բնագաւառում յաջողութիւններ չունենք: Այս մասին Tert.am-ի հետ զրոյցում ասաց ՀՅԴ ԳՄ անդամ, Գիւղատնտեսութեան նախկին նախարար Արթուր Խաչատրեանը՝ չբացառելով, որ իշխանութիւնները կարող են հեռանալ եւ արտահերթ ընտրութիւններ լինեն:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։