Հա

Հասարակական

22/10/2019 - 14:30

Անփոխարինելին ու անկրկնելին...

Այսօր արդէն 5 տարի է, որ մեզանից առյաւէտ հեռացել է մեր շատ սիրելի գործընկերը, բայց նոյնիսկ այս հնգամեայ «հեռաւորութիւնը» չամոքեց բացակայութեան մորմոքը... այստեղ է մարդու անփոխարինելիութեան իմաստնութիւնը...

Ա. Է.

 

Անփոխարինելի մարդիկ չկան, բայց կան անկրկնելիներ,- ասում է Պաբլօ Պիկասօն:

Արմէնը թէ՛ մէկն էր, թէ՛ միւսը. անփոխարինելի՝ իր աշխատանքային բնագաւառում, ինչպէսեւ՝ ի ծնէ օժտւած բնատուր տաղանդով, բացառիկ յիշողութեամբ եւ անկրկնելի՝ իր աշխատանքի բծախնդրութեամբ, ճշգրտութեամբ եւ մարդ տեսակով:

Այսօր արդէն 5 տարի է, որ մեզանից առյաւէտ հեռացել է մեր շատ սիրելի գործընկերը, բայց նոյնիսկ այս հնգամեայ «հեռաւորութիւնը» չամոքեց բացակայութեան մորմոքը... այստեղ է մարդու անփոխարինելիութեան իմաստնութիւնը...

ԱՐՄԷՆԸ ամէն օր մեզ հետ է թէ՛ իր աշխարհայեացքով, եւ թէ՛ իր իմացականութեան բացառիկութեամբ:

«Ալիք»-ի արդէն շուրջ 90-ամեայ պատմութեան ընթացքում շատերն են թողել իրենց մնայուն հետքը, բայց Արմէն մարդ տեսակը իր ամենօրեայ գործօն ներկայութեամբ ուղղակիօրէն սեպւեց օրաթերթի պատմութեան հոլովոյթներում: Մարդ, որի իմաստնութիւնը անհրաժեշտութիւն էր, իսկ համեստութիւնը՝ կերպարի ուսանելիութիւն:

Այդպիսին էր մեր գործընկեր Արմէնը՝ «Ալիք»-ի սրբագրիչը՝ համեստ, բարի եւ բանիմաց, միեւնոյն ժամանակ՝ լայն աշխարհայեացքով ու լռակեաց...

Արմէնը այն երջանիկ եզակիներից է, որի անունը շատ երկար կը մնայ նրան ճանաչողների մտքում: Իսկ համայնքի պատմութեան ու դրանից դուրս գոյութիւն ունեցող մնայուն աշխատանքները սրբագրւած ամենայն ճշգրտութեամբ եւ ճշգրիտ տեղեկատւութեամբ, արժէքաւոր են եւ որի մասին գուցէ եւ քչերը գիտեն ու դա գալիս էր իր համեստութիւնից:

Սիրելի Արմէն, հնգամեայ բացակայութիւնդ լոկ թւային յիշատակում է, այսօր էլ դու կենդանի քայլում ես մեր հետ մեր առօրեայում, մեր մտքում ու հոգում...

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։