Հա

Հասարակական

10/12/2019 - 09:00

«Արդեօ՞ք օգտակար կը լինէի Հայաստանին, եթէ այնտեղ մնայի». Ռուբէն Վարդանեան

Հանրայայտ գործարար եւ բարերար Ռուբէն Վարդանեանը, որը մոսկովեան «Սկոլկովօ» կառավարման դպրոցի եւ «Աւրորա» մարդասիրական նախաձեռնութեան համահիմնադիրն է, հարցազրոյց է տւել Forbes ամսագրի ղազախստանեան տարբերակին, որում անդրադարձել է կրթութեան ոլորտի խնդիրներին:

«alikonline.ir» - Հանրայայտ գործարար եւ բարերար Ռուբէն Վարդանեանը, որը մոսկովեան «Սկոլկովօ» կառավարման դպրոցի եւ «Աւրորա» մարդասիրական նախաձեռնութեան համահիմնադիրն է, հարցազրոյց է տւել Forbes ամսագրի ղազախստանեան տարբերակին, որում անդրադարձել է կրթութեան ոլորտի խնդիրներին: Գրում է Tert.am-ը:

Պարբերականը նշում է, որ Ռուբէն Վարդանեանը 17 տարեկանում Հայաստանից տեղափոխւել է Ռուսաստան, որտեղ դարձել է յաջողակ ձեռնարկատէր, այժմ էլ մի շարք նախագծեր է իրականացնում հայրենիքում:

«Չգիտեմ՝ արդեօք աւելի օգտակար կը լինէի Հայաստանի համար, եթէ այնտեղ մնայի, քան այժմ, երբ յաջողութեան հասնելով պահել եմ կապը հայրենիքի հետ: Հարցն այլ է. ինչպէս ներգրաւել լաւագոյններին: Դա էկոհամակարգի ստեղծման հարց է. ինչի՞ համար է անհրաժեշտ լաւ բուհը, եթէ յետոյ մարդ չի կարողանում նորմալ բիզնես ստեղծել, չի կարողանում նոր ընկերութիւն հիմնել, չի կարողանում լաւ պաշտօնների հասնել, դրա համար նա պէտք է ինչ-որ մէկի բարեկամը լինի»,- մեկնաբանել է գործարարը, որը 103-րդ հորիզոնականն է զբաղեցնում Forbes Russia-ի վարկանիշում:

Վարդանեանի խօսքով՝ չի կարելի միայն կրթական նախագիծ ստեղծել՝ չփոխելով ողջ համակարգը, աջակցութեան հիմնադրամներ չստեղծելով, չգրաւելով ընկերութիւններին:

Որպէս համալսարանների զարգացման ուղղութիւն՝ գործարարն առաջարկել է ծրագրեր ստեղծել նաեւ 60 տարեկաններ համար:

«Եթէ մարդ 50-60 տարեկան է եւ СЕО (գլխաւոր գործադիր տնօրէն) չէ, ապա ոչ մի տեղ չի կարող նոր բան սովորել եւ կանգնած է հասարակութիւնից դուրս մնալու վտանգի առաջ: Համալսարանն այսօրւայ գիտութիւնների համալիրի տեսքով սպառւել է, վերապատրաստում է անհրաժեշտ»,- ասել է Վարդանեանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։