Amazon ընկերութեան հիմնադիր ղեկավար Ջէֆ Բեզոսը բարեգործական հիմնադրամ է ստեղծում կլիմայի փոփոխութիւնների դէմ պայքարի համար:
«alikonline.ir» - Amazon ընկերութեան հիմնադիր ղեկավար Ջէֆ Բեզոսը բարեգործական հիմնադրամ է ստեղծում կլիմայի փոփոխութիւնների դէմ պայքարի համար: Հիմնադրամը կունենայ Bezos Earth Fund անւանումը: Ըստ Tert.am-ի՝ գրում է Life.ru-ն:
Սկզբնապէս բիզնեսմենը բարեգործական հիմնադրամին կը յատկացնի 10 միլիարդ դոլար: Մասնաւորապէս, այդ գումարը որպէս դրամաշնորհ կը տրւի գիտնականներին, հասարակական գործիչներին եւ ակտիւիստներին, որոնք զբաղւում են կլիմայի փոփոխութեան դէմ պայքարով:
«Կլիմայի փոփոխութիւնը մեր մոլորակի համար ամենամեծ սպառնալիքն է: Միւսների հետ աշխատելով՝ ես ցանկանում եմ ինչպէս առկայ մեթոդները կատարելութեան հասցնել, այնպէս էլ մեր ընդհանուր մոլորակի կլիմայի փոփոխութեան կործանարար ազդեցութեան դէմ պայքարի նոր մեթոդներ ուսումնասիրել»,- ինսթագրամեան իր էջում գրել է Բեզոսը:
Ներկայ պահին Ջէֆ Բեզոսն, ըստ Forbes ամսագրի, աշխարհի ամենահարուստ մարդն է: Յունւար ամսւայ վերջի տւեալներով՝ նրա կարողութիւնը կազմում է 115.5 միլիարդ դոլար:
