Հա

Հասարակական

08/03/2020 - 11:20

Այսօր մարտի 8-ն է, Կանանց միջազգային օրը

Այսօր մարտի 8-ն է, Կանանց միջազգային օրը

«alikonline.ir» - Այսօր մարտի 8-ն է, Կանանց միջազգային օրը:

Մարտի 8-ը կանանց իրաւունքների պաշտպանութեան, իրաւահաւասարութեան միջազգային օրն է:

Իրականում օրւայ հիմքը դրւեց, երբ 1857 թւականի մարտի 8-ին Նիւ Եօրքի տեքստիլագործ կանայք երթով անցան քաղաքի փողոցներով` բողոքելով ցածր աշխատավարձերից եւ աշխատանքի ոչ բարենպաստ պայմաններից:

Այնուհետեւ ԱՄՆ Սոցիալ-դեմոկրատական կուսակցութեան կանանց կոչով Նիւ Եօրքում 1908 թւականի մարտի 8-ին կայացաւ ցոյց, կանանց իրաւահաւասարութեան համար։ Այդ օրը աւելի քան 15 հազար կանայք շրջեցին ողջ քաղաքով, պահանջելով կրճատել աշխատանքային օրը եւ տղամարդկանց հետ հաւասարաչափ աշխատավարձ ստանալ։ Բացի այդ առաջ քաշւեց կանանց՝ ընտրութիւններին մասնակցելու իրաւունք ունենալու պահանջները։

1910 թւականին Կոպենհագենում Սոցիալիստ կանանց միջազգային համաժողովի ժամանակ գերմանացի յեղափոխական Կլարա Ցետկինն առաջարկեց Կանանց միջազգային օրը նշել մարտի 8-ին` ի յիշատակ նիւեօրքեան իրադարձութեան:

1977 թւականին ՄԱԿ-ը Մարտի 8-ը հռչակեց Կանանց միջազգային օր:

Լինելով ընկերվարական կուսակցութիւն, Հայ Յեղափոխական Դաշնակցութիւնը մշտապէս հանդէս է եկել կանանց իրաւաունքների պաշտպանութեան եւ իրաւահաւասարութեան դիրքերից: Այդ սկզբունքները յստակ ամրագրւած են ՀՅԴ ծրագրում:

Դեռ աւելին, Դաշնակցութեան հիմնադրման առաջին իսկ օրից կանայք գործուն եւ որոշիչ մասնակցութիւն են ունեցել կուսակցութեան գործունէութեան բոլոր ասպարէզներում: Սօսէ Մայրիկը եղել կին ֆիդայու կերպարի մարմնաւորումը: Ռուբինա Արէշեանն է ձեւաւորել հայ առաջադէմ կնոջ եւ յեղափոխականի կերպարը: Նա ակտիւ մասնակցութիւն է ունեցել սուլթան Աբդուլ Համիդ 2-րդի դէմ մահափորձի գործողութեանը:

Հայաստանի առաջին Հանրապետութեան տարիներին, երբ աշխարհի` այսօր արդէն զարգացած, դեմոկրատական երկրներում կանայք դեռ պայքարում էին տղամարդկանց հաւասար ընտրւելու իրաւունք ստանալու համար, Հայաստանի խորհրդարանում 3 կին պատգամաւոր կար. Կատարինէ Զալեան-Մանուկեան, Վարվառա Սահակեան, Պերճուհի Պարտիզպանեան-Բարսեղեան: Նրանք երեքն էլ ընտրւել էին Դաշնակցութեան ցուցակով:

Դիանա Աբգարն էլ եղել է Հայաստանի Հանրապետութեան դեսպանը ճապոնիայում: Նա աշխարհում առաջին կին դիւանագէտ-դեսպանն է:

Նոյնն է եղել նաեւ սփիւքեան պայմաններում, նոյնն է նաեւ այսօր, երբ կանայք առաւել, քան երբեւէ ակտիւ եւ որոշիչ դերակատարութիւն ունեն Հայ Յեղափոխական Դաշնակցութեան շարքերում:

Սիրելի կանայք, Alikonline-ի խմբագրական կազմը ջերմօրէն շնորհաւորում է Ձեզ՝ մարտի 8-ի առիթով՝ մաղթելով Ձեզ յաջողութիւն եւ առաջընթաց՝ կեանքի բոլոր ասպարէզներում:

Յարակից լուրեր

  • Ողջոյն հայ կանանց
    Ողջոյն հայ կանանց

    Մեր ժողովրդի պատմութեան իսկ վկայութեամբ հայ կինը իր առաքինութեամբ, հաւատարմութեամբ, անձնուրացութեամբ, հայրենասիրութեամբ, քրիստոնէական հաւատքով, ծնողական գուրգուրանքով եղել է եւ է օրինակելի եւ զօրութեան ու ներշնչման աղբիւր։

  • Ինչպէս Լեւոն Տէր-Պետրոսեանն ու Հրայր Մարուխեանը հանդիպեցին փարիզեան նեղ բնակարանում․ կին դաշնակացական գործչի մարտի 8-եան պատմութիւնները
    Ինչպէս Լեւոն Տէր-Պետրոսեանն ու Հրայր Մարուխեանը հանդիպեցին փարիզեան նեղ բնակարանում․ կին դաշնակացական գործչի մարտի 8-եան պատմութիւնները

    Շաղիկ Մարուխեանի փարիզեան փոքրիկ բնակարանում, որտեղ երկտեղանոց մի բազմոց էր միայն տեղաւորւում, հանդիպեցին Լեւոն Տէր-Պետրոսեանն ու Հրայր Մարուխեանը ու իրար կողքի նստեցին այդ բազմոցին։

  • «Կինը յանուն զարգացման 2020» միջոցառմանը կարժեւորւի տարբեր ոլորտների կանանց աշխատանքը
    «Կինը յանուն զարգացման 2020» միջոցառմանը կարժեւորւի տարբեր ոլորտների կանանց աշխատանքը

    Տնտեսութեան, կրթութեան եւ առողջապահութեան բնագաւառներում իրենց ակտիւ ու բարեխիղճ գործունէութեամբ աչքի ընկած կանանց խրախուսելու նպատակով Երեւանում կանցկացւի «Կինը յանուն զարգացման 2020» համահայկական մրցանակաբաշխութիւնը:

  • Կանանց Համաշխարհային աղօթքի օր Թեհրանում
    Կանանց Համաշխարհային աղօթքի օր Թեհրանում

    Աշխարհի բոլոր կրօնների եւ յատկապէս միաստւածեան կրօնների մէջ աղօթքը առանցքային տեղ եւ դեր է ունեցել եւ ունի։ Աղօթքը ոչ միայն կրօններն ու իրենց հետեւորդները յարաբերութեան մէջ է դնում այլեւ նրանց հայեացքը ուղղում է Աստծուն, որին բոլորն էլ պաշտում են, ամէն մէկը իր կրօնական ուսուցումների համաձայն։

  • Կիներու միջազգային օր
    Կիներու միջազգային օր

    Կիներու միջազգային օրը, 8 Մարտը, յիշեցում մըն է կանանց ունեցած դերակատարութիւնը ընկերութեան կեանքէն ներս աւելի շեշտելու: Հայ ժողովուրդը հին դարերէն սկսեալ յատուկ յարգանք ու վերաբերում ունեցած է հայ կնոջ նկատմամբ: Ամէն բանէ առաջ հայ կինը մեզի համար եղած է հայ մայր, այլ խօսքով՝ ընտանիքի դաստիարակը, մեր հոգեմտաւոր արժէքներու պահապանը, մեր ազգային ձգտումներուն ռահվիրան:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։