Հա

Հասարակական

27/07/2020 - 11:10

Մասնագէտները յայտնել են կորոնավիրուսի դէմ դեղամիջոցի մասին, որը հոգեկան խանգարումներ է առաջացնում

Չի կարելի ներարկման ձեւով ինտերֆերոն ստանալ կորոնավիրուսային ինֆեկցիայի ո՛չ բուժման համար, ո՛չ կանխարգելման: Այս դեղամիջոցը կարող է կողմնակի էֆեկտներ ունենալ, ինչպէս՝ թուլութիւն եւ մարսողական համակարգի խանգարում, աւելին՝ այն կարող է առաջացնել հոգեվիճակի խանգարումներ:

«alikonline.ir» - Չի կարելի ներարկման ձեւով ինտերֆերոն ստանալ կորոնավիրուսային ինֆեկցիայի ո՛չ բուժման համար, ո՛չ կանխարգելման: Այս դեղամիջոցը կարող է կողմնակի էֆեկտներ ունենալ, ինչպէս՝ թուլութիւն եւ մարսողական համակարգի խանգարում, աւելին՝ այն կարող է առաջացնել հոգեվիճակի խանգարումներ: Այս մասին ըստ News.am-ի՝ ռոսական Izvestia պարբերականի հետ զրոյցում յայտնել է պացիենտների անվտանգութեան եւ անհատականացւած բժկութեան միջազգային նախագծերի ղեկավար Իւրի Կիսելեովը:

«Հնարաւոր են արտայայտւած թուլութիւն, մազաթափութիւն եւ մաշկային ցան, աղեստամոքսային եւ նոյնիսկ հոգեբուժական խանգարումներ: Վերջին են դասւում դեպրեսիւ վիճակները եւ քնի խանգարումը, հազւադէպ դրսեւորւում են մոլագարային եւ ինքնասպանութեան մտքեր»,- ասել է մասնագէտը:

Ինտերֆերոնի ներարկումները կարող են նաեւ նւազեցնել արեան մէջ լէյկոցիտների մակարդակը, որոնք պատասխանատու են վիրուսների դէմ պայքարի համար: Մասնագէտի խօսքով՝ դրանից բացի, այս սպիտակուցի ներարկումը կարող է առաջացնել ՍՇՎ-ին նման ախտանիշներ: Նման դէպքում բժշկի համար դժւար կը լինի տարբերակել կողմնակի էֆեկտները եւ հիւանդութեան իրական դրսեւորումները:

Վերջերս կատարւած հետազօտութիւնը COVID-19-ի ծանր ընթացքով պացիենտների մօտ յայտնաբերել է ինտերֆերոնի սուր պակաս: Մէկ այլ հետազօտութիւն ցոյց է տւել, որն ինհալեացիայի ձեւով ինտերֆերոնի ընդունումը պլացեբոյի համեմատութեամբ 79 տոկոսով նւազեցնում է թոքերի արհեստական օդափոխութիւն ստացող պացիենտի մահւան հաւանականութիւնը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։