Հա

Հասարակական

04/08/2020 - 13:25

Ա․Գուտերեշը կոչ է արել վերսկսել դասընթացները դպրոցներում, երբ երկրներում կորոնավիրուսի ներքին փոխանցման գործընթացները վերահսկողութեան տակ առնւեն

ՄԱԿ-ի գլխաւոր քարտուղար Անտոնիօ Գուտերեշը յայտարարել է, որ կորոնավիրուսի համավարակը երբեւէ տեղի ունեցած ամենամեծ խզման է յանգեցրել կրթութեան ոլորտում:

«alikonline.ir» - ՄԱԿ-ի գլխաւոր քարտուղար Անտոնիօ Գուտերեշը յայտարարել է, որ կորոնավիրուսի համավարակը երբեւէ տեղի ունեցած ամենամեծ խզման է յանգեցրել կրթութեան ոլորտում: Ըստ Yerkir.am-ի՝ յայտնում է Associated Press-ը:

Ըստ նրա` համավարակի պատճառով աշխարհի 160 երկրում դպրոցները փակւել են յուլիսի կէսերին` ազդելով աւելի քան մէկ միլիարդ դպրոցականի վրայ:

Գուտերեշը նաեւ նշել է, որ արդիւնքում առնւազն 40 միլիոն երեխայ ամբողջ աշխարհում մնացել է առանց կրթութեան «իրենց կրիտիկական նախադպրոցական տարում»:

Նա նախազգուշացրել է, որ սյս գործընթացների արդիւնքում աշխարհին «սերունդների աղէտ է սպառնում, որը կարող է մարդկութեան չօգտագործւած ներուժի վատնմանը յանգեցնել, խաթարել տասնամեակների առաջընթացը եւ խորացնել արմատացած անհաւասարութիւնները»:

«Կառավարութիւնների եւ գործընկերների կողմից ընդունւող որոշումները յարատեւ ազդեցութիւն կունենան հարիւր միլիոնաւոր երիտասարդների եւ առաջիկայ տասնամեակների ընթացքում երկրների զարգացման հեռանկարների վրայ»,- ասել է Գուտերեշը տեսաուղերձում:

Այս կապակցութեամբ նա կոչ է արել վերսկսել դասընթացները դպրոցներում, երբ երկրներում կորոնավիրուսի ներքին փոխանցման գործընթացները վերահսկողութեան տակ առնւեն:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։