Հա

Հասարակական

12/08/2020 - 12:00

2022 թ. ոչ շուտ. Գէյթսն ասել է՝ երբ աշխարհում վերահսկելի կը դառնայ կորոնավիրուսային համավարակը

Ամերիկացի միլիարդատէր, բարերար Բիլ Գէյթսը, որը զգալի աջակցութիւն է ցուցաբերում կորոնավիրուսային վարակի դէմ պատւաստանիւթի մշակման հարցում, լաւատեսական կանխատեսում է արել վարակի բուժման եւ պատւաստանիւթերի վերաբերեալ:

«alikonline.ir» - Ամերիկացի միլիարդատէր, բարերար Բիլ Գէյթսը, որը զգալի աջակցութիւն է ցուցաբերում կորոնավիրուսային վարակի դէմ պատւաստանիւթի մշակման հարցում, լաւատեսական կանխատեսում է արել վարակի բուժման եւ պատւաստանիւթերի վերաբերեալ: Յայտնում է Tert.am-ը:

Գէյթսի կարծիքով՝ հարուստ երկրներում համավարակը վերահսկելի կը լինի 2021թ. վերջին, իսկ զարգացող պետութիւններում՝ 2022թ.:

«Պատւաստանիւթերի հարցում ախտորոշիչ եւ թերապեւտիկ նորարարական տեխնոլոգիաները բաւականին տպաւորիչ են, եւ ինձ մօտ այնպիսի տպաւորութիւն է, որ հարուստ երկրները յաջորդ տարւայ վերջի դրութեամբ արդէն վարակը յաղթահարած կը լինեն, իսկ աշխարհի միւս մասը՝ 2022 թ. վերջին»,- ասել է գործարարը:

Միլիարդատէրն այս մասին ասել է Wired-ին տւած հարցազրոյցում՝ յաւելելով, որ մարդիկ չպէտք է թուլացնեն զգօնութիւնը, քանի որ կորոնավիրուսը կարող է աշնանը կրկին գլուխ բարձրացնել:

Միեւնոյն ժամանակ Գէյթսը մտավախութիւն է յայտնել առ այն, որ Ռուսաստանի եւ Չինաստանի պէս երկրներում պատւաստանիւթը ստեղծելու ճնշումն այնքան բարձր է, որ կարգաւորող մարմինները կարող են թոյլ տալ մարդկանց պատւաստել նախքան դեղամիջոցի ապահովութիւնն ու արդիւնաւէտութիւնը ստուգելը:

«Մեզ, հաւանաբար, երեք կամ չորս ամիս է պէտք պատւաստանիւթի երրորդ փուլն անցկացնելու ու կողմնակի ազդեցութեան նշանները պարզելու համար»,- ասել նա:

Աւելի վաղ միլիարդատէրը յայտնել էր, որ ներկայում ամբողջ աշխարհում կորոնավիրուսի դէմ մշակւում է աւելի քան 160 պատւաստանիւթ:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։