Հա

Հասարակական

18/10/2020 - 11:30

Ասիայի Եկեղեցիների խորհուրդը (CCA) դատապարտում է թուրք-ադրբեջանական ահաբեկչական յարձակումը Արցախի վրայ

Թայլանդում հաստատւած Ասիայի Եկեղեցիների խորհրդի (CCA) ընդհանուր քարտուղար՝ դոկտ. Մատթիոս Ջորջը ընդառաջելով Թեհրահի հայոց թեմի առաջնորդ Տ. Սեպուհ արք. Սարգսեանի առաջարկին յատուկ յայտարարութեամբ խստօրէն դատապարտեց թուրքադրբեջանական ահաբեկչական յարձակումը Արցախի վրայ:

Թայլանդում հաստատւած Ասիայի Եկեղեցիների խորհրդի (CCA) ընդհանուր քարտուղար՝ դոկտ. Մատթիոս Ջորջը ընդառաջելով Թեհրանի հայոց թեմի առաջնորդ Տ. Սեպուհ արք. Սարգսեանի դիմումին խստօրէն դատապարտել է թուրք-ադրբեջանական ահաբեկչական յարձակումը Արցախի վրայ: 

Յայտարարութեան մէջ մասնաւորապէս նշւած է. «Շղթայազերծւած յարձակման պատճառով Լեռնային Ղարաբաղի մայրաքաղաք Ստեփանակերտը, Շուշին եւ այլ քաղաքներ եւ գիւղեր անընդհատ ենթարկւում են ծանր հրետակոծութեան:

Լեռնային Ղարաբաղն իր աւելի քան հարիւր յիսուն հազար հայ բնակչութեամբ միջազգային ընտանիքի ուշադրութեան առարկայ եղաւ, երբ Սովետի ղեկավարութեան կողմից 1920-ական թւականներից Ադրբեջանի կազմում յայտնւեց: Սովետական Միութեան անցեալ եօթանասուն տարիների ընթացքում ղարաբաղցիները յաճախ պահանջել են անկախութիւն, կամ միացում՝ Հայաստանին, սակայն իրենց աշխատանքները իզուր են անցել:

Սովետական Միութեան փլուզումով Լեռնային Ղարաբաղն իր խորհրդարանի եւ ժողովրդի կամքով յայտարարեց իր անկախութեան մասին, ինչը պատճառ եղաւ զինական բախումների ադրբեջանի նախայարձակ լինելուց յետոյ: 1994 թւականին խաղաղութեան զինադադարի հաստատումով Լեռնային Ղարաբաղը ամրագրեց իր անկախութիւնը կառուցելով ժողովրդավար հանրապետութիւն:

Ասիայի Եկեղեցիների խորհուրդն իր խոր մտահոգութիւնն է յայտնում պատերազմի վերսկսման առիթով եւ կոչ անում կողմերին յարգել հրադադարը եւ վերսկսել բանակցութիւնները: Հետեւելով Աւետարանի ուսուցումներին, մենք դատապարտում ենք ամէն տեսակի բռնութիւն եւ խաղաղութեան նկատմամբ ոտնձգութիւն եւ աղօթում խաղաղութեան հաստատման համար գրւել է Ասիայի Եկեղեցիների խորհրդի ընդհանուր քարտուղարի կոչում:

Յաւելենք, որ Ասիայի Եկեղեցիների խորհրդի մաս են կազմում Ասիայի եւ ծայրագոյն Արեւելքի երկրների աւելի քան երեսուն եկեղեցիներ, որոնց մաս է կազմում նաեւ Իրանի Իսլամական Հանրապետութեան Հայոց Եկեղեցին:

 

Ազգային առաջնորդարանի Հանրային կապ

17.10.2020

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։