Հա

Հասարակական

22/12/2021 - 12:50

«Ալիք»-ի 90-ամեայ յոբելեանը...

Ջերմօրէն շնորհաւորելով մեր «Ալիք»-ի 90-ամեայ յոբելեանը, մաղթում եմ նրա խմբագրական ընտանիքին նորանոր նւաճումներ, ազգային ընդհանրական վեհ նպատակներին հասնելու դժւարին ճանապարհին, որը կատարում էք անձնւիրումով եւ վեհանձնութեամբ։

Ջերմօրէն շնորհաւորելով մեր «Ալիք»-ի 90-ամեայ յոբելեանը, մաղթում եմ նրա խմբագրական ընտանիքին նորանոր նւաճումներ, ազգային ընդհանրական վեհ նպատակներին հասնելու դժւարին ճանապարհին, որը կատարում էք անձնւիրումով եւ վեհանձնութեամբ։

«Ալիք»-ը 90 տարի անշեղօրէն ազգի եւ հայրենիքի շահերը վեր է դասել ամէն բանից եւ համոզւած է եղել, որ հայ ժողովուրդը իր ազատութեան, անկախութեան եւ բարեկեցութեան կը հասնի միայն Հայ Դատի արդար լուծմամբ եւ Ազատ, Անկախ եւ Միացեալ Հայաստանի ստեղծմամբ, որն եւ համարել է գերագոյն վեհ նպատակ։

«Ալիք»-ը 90 տարի շարունակաբար, որպէս ճնշւած ազգի հարազատ մի զաւակ, դէմ է եղել ամէն կարգի բռնութեան, կաշկանդումի, խտրականութեան ու շահագործումների եւ պայքար է մղել, թէ՛ անհատի, եւ թէ՛ ազգերի ամբողջական ազատութեան համար։

«Ալիք»-ը 90 տարի որպէս առաջադիմական եւ յեղափոխական մի կառոյցի խօսնակ, քայլել է իրականութեանը համընթաց եւ իր քարոզչական հրապարակումները կատարել է փաստացի տւեալների հիմամբ։

«Ալիք»-ը 90 տարի հաւատարիմ իր ազգային գաղափարախօսութեանը եւ համոզւած լինելով, որ ազգի գոյատեւման կարեւոր ազդակներից մէկը ազգային մշակոյթի անաղարտ պահպանումն է, առ այդ իր էջերում միշտ արծարծել է մշակոյթին կապւող զանազան նիւթեր, բանաստեղծութիւններ ու յօդւածներ։

«Ալիք»-ը 90 տարի խորապէս գիտակցելով դարի գիտական բազմակողմանի արագընթաց զարգացումների ազդեցութիւնը՝ քաղաքական, հասարակական եւ տնտեսական զանազան ոլորտների վրայ, որոնք բոլորն էլ սերտ աղերս ունեն հայ ժողովրդի, Հայ Դատի, Հայաստան աշխարհի եւ Արցախի հիմնահարցի հետ, իր էջերում լայն տեղ է յատկացրել գիտական նորարարութիւններին։

«Ալիք»-ը իր հիմնադրութիւնից առ այսօր, իր գաղափարական համոզումներին համընթաց, անշեղօրէն քայլել է մամուլի սկզբուքների համաձայն, որի համար անցեալի եւ ներկայի խմբագիրները, աշխատակիցները, պաշտօնեաները եւ աշխատաւորները արժանի են բարձր գնահատանքի ու դրւատանքի:

Վարձքներդ ի կատար։

ԹԱԹՈՒԼ ՕՀԱՆԵԱՆ

Երեւան

21-12-21 թ.

 

Յարակից լուրեր

  • Ի պատասխան արսէնթորոսեաններին
    Ի պատասխան արսէնթորոսեաններին

    Արսէն Թորոսեանն եւ իր նմանները, հայ իրականութիւններից կտրւած ու անտեղեակ, չսովորելու եւ չզարգանալու յետադէմ մտայնութեամբ, որոնք բախտի բերմամբ թէ պատահմամբ անարժանօրէն հասել են որոշ դիրքերի, իրենց հակադաշնակցական մոլուցքով ու մոլեռանդութեամբ, առ յաւէտ պիտի մնան տգիտութեան խաւարի մէջ։

  • Այլամերժութիւն
    Այլամերժութիւն

    Անկախութիւնը որ ժողովրդներին ազատագրում է օտարի լծից, տնտեսական եւ քաղաքական ազատութիւն է պարգեւում, ազգային ազատ ինքնորոշման իրաւունք է ապահովում, զերծ է կացուցում տնտեսական շահագործումից եւ կեղեքումից, ազատ ստեղծագործելու եւ ազատ ապահով կեանք է երաշխաւորում ու այլ ժողովրդների հետ հաւասար իրաւունքների պայմաններ հաստատում, բոլորն էլ թէ մարդկութեան եւ թէ ազգերի անկապտելի իրաւունքներն են որից բացառութիւն չի կազմում նաեւ հայ ժողովուրդը։

  • Ադրբեջանի պահանջներին ի պատասխան
    Ադրբեջանի պահանջներին ի պատասխան

    Հայրենիք նշանակում է հարազատ պատմական տարածք եւ համախմբւած ժողովուրդ, որ դարերի ընթացքում կերտել է լեզու, մշակոյթ, աւանդութիւն եւ պետութիւն, այդ տարածքի եւ ժողովրդի անվտանգութեան եւ պաշտպանութեան գլխաւոր պատասխանատուն եւ երաշխաւորը պետութիւնն է: Ցաւօք սրտի, մեր այսօրւայ հայրենի իշխանաւորները, ոչ միայն չեն պաշտպանում հայրենի տարածքներն ու ժողովրդի անվտանգութիւնը, այլ տեղիք են տալիս մեր դարաւոր հայատեաց թշնամիների անօրինական պահանջներին:

  • Բարոյականութիւն
    Բարոյականութիւն

    Բարոյականութիւն (Լատ. Moralis), բառացիօրէն նշանակում է բարոյական ուսմունք, տւեալ հասարակութեան մէջ որպէս լաւ եւ բարի ճանաչւած ձգտումների ամբողջութիւն, իսկ բարոյագիտական տեսակէտից՝ հասարակական գիտութեան ձեւ, որ կատարում է մարդկանց վարքի կարգաւորման ընթացքը (ֆունկցիա), որպէսզի ամէն մի հասարակութեան մէջ, իրենց ողջ բազմազանութեամբ, ենթարկւեն որոշակի ընդհանուր հասարակական իդէալական օրէնքների, որոնք հիմնւած են բարոյական սկզբունքների՝ մարդասիրութեան, հայրենասիրութեան, ազգասիրութեան, հաւատքի, եղբայրութեան, համերաշխութեան եւ հաւասարութեան սկզբունքի վրայ: 

  • Մայիս 28-ի խորհուրդը
    Մայիս 28-ի խորհուրդը

    Մայիս 28-ը հայ ժողովրդի յարութեան եւ վերազարթօնքի տօնն է:

    Մայիս 28-ը հայ ժողովրդի լինել-չլինելու վճռահատման օրն է, որով հայը, հակառակ ցեղասպան թուրքի կամքին, վճռեց լինել, ապրել ու դեռ շատանալ ու ստեղծագործել:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։