Հա

Հասարակական

26/05/2022 - 12:10

Հ.Մ.Ա.Կ.-ի ներկայացուցչի մասնակցութիւնը եւ ուղերձը Համազգայինի 9-րդ պատգամաւորական ժողովին

Համազգայինի 9-րդ պատգամաւորական ժողովին մասնակցում են 64 պատգամաւորներ եւ հրաւիրեալներ՝ աշխարհի 15 երկրներից, այդ թւում՝ Հ.Մ. «Արարատ» կազմակերպութեան Կենտրոնական վարչութեան դիւանի անդամ Սոֆի Ջաղարբէգեանը, ով ժողովի բացման նիստին Հ.Մ.Ա.Կ.-ի անունից ներկայացաւ ողջոյնի խօսքով, որն ներկայացնում ենք ստորեւ.

Մայիսի 25-ին Երեւանում մեկնարկեց Համազգային Հայ Կրթական եւ Մշակութային միութեան 9-րդ պատգամաւորական ժողովը։

Համազգայինի 9-րդ պատգամաւորական ժողովին մասնակցում են 64 պատգամաւորներ եւ հրաւիրեալներ՝ աշխարհի 15 երկրներից, այդ թւում՝ Հ. Մ. «Արարատ» կազմակերպութեան Կենտրոնական վարչութեան դիւանի անդամ Սոֆի Ջաղարբէգեանը, ով ժողովի բացման նիստին Հ.Մ.Ա.Կ.-ի անունից ներկայացաւ ողջոյնի խօսքով, որն ներկայացնում ենք ստորեւ.

«Համազգային Հայ կրթական եւ մշակութային միութեան

9-րդ Պատգամաւորական ժողովի

Յարգարժան դիւան

Սիրելի ընկերներ՝

Ողջունելով՝ Համազգային հայ կրթական եւ մշակութային միութեան բարեբաստիկ 94-ամեակի կապակցութեամբ, Հայ մշակութային «Արարատ» կազմակերպութեան մեծ ընտանիքի անունից, ողջունում ենք Մայիս 28-ի սեմին եւ նոյն գաղափարական հենքով կայացող 9-րդ Պատգամաւորական ժողովը:

Համազգային հայ կրթական եւ մշակութային միութիւնը, 1928 թւականից մինչ օրս իր ակնառու նւիրեալների շնորհիւ, ձգտել է մշակոյթի ճամբով՝ կրթելով հայ ժողովրդի պատանի ու երիտասարդ զաւակներին ու նրանց հոգիներում զօրացնել մարդասիրութիւնը, ազգանւիրումն ու հայրենասիրութիւնը։

Համազգայինը՝ վեհ արժէքների վրայ հիմնւած կուռ միութիւն է ու ելնելով իր ինն տասնամեակից աւելի փորձից, կամաւոր, յամառ ու տքնաջան աշխատանքով ու օրինակելի ծառայութեամբ, առաջին օրւանից իսկ վաստակել է պատիւ ու յարգանք ու այսօր տեղին է մի անգամ եւս շեշտել, որ կատարւած հսկայական աշխատանքը իրագործւում է մշակոյթի կամաւոր բանակի զոհաբերութեամբ ու լաւին ու լաւագոյնին ձգտելու կամեցողութեամբ, որն էլ եղել է Համազգային միութեան յաջողութեան գաղտնիքը։

Այսօր եւս, երբ հայրենիքն ու սփիւռքը կանգնած են ժամանակակից աշխարհի բազում մարտահրաւէրների դէմ յանդիման, քաջ գիտակցելով մեր ներազգային բարդ կացութիւնը ու մտաւորականութեան կարեւոր դերը մերօրեայ ժամանակահատւածում յանուն «համազգային տեսլական»ի ձեւաւորման եւ միաժամանակ համաշխարհայնացման քաղաքականութեան դէմ պայքարի կարեւորութիւնը, պէտք է ինչպէս միշտ, միասնաբար դիմագրաւել ու ճիշտ լուծումներ տալ դժւարութիւնները յաղթահարելու ի խնդիր, որոնք անշուշտ համահայկական հայեացքով պիտի բխեն մեր ազգային շահերի ընդմիջից։

Սիրելի գործընկերներ՝ մէկ անգամ եւս ողջունում ենք Ձեզ եւ 9-րդ Պատգամաւորական ժողովին. մաղթում բարի ընթացք ու միութեանդ՝ յառաջիկայ ազգօգուտ ծրագրերին ու նախաձեռնութիւններին կանաչ ճանապարհ։

Յարգանօք՝

Հ.Մ.Ա.Կ.-ի Կենտրոնական Վարչութիւն՝

Նախագահ՝

Հենրիկ Խալոյեան

Քարտուղարութեան պատ.՝

Սոֆի Ջաղարբէգեան»

 

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։