Հա

Հասարակական

11/06/2022 - 11:00

Հ. Մ. «Արարատ» Կ.-ի Կենտրոնական վարչութեան նախագահ Հենրիկ Խալոյեանի ելոյթը Արխիւայինի միջազգային օրւան նւիրւած միջոցառման ընթացքում

Հ. Մ. «Արարատ» Կ.-ի Կենտրոնական վարչութեան նախագահ Հենրիկ Խալոյեանի ելոյթը Արխիւայինի միջազգային օրւայ առթիւ յունիսի 9-ին տեղի ունեցած միջոցառման ընթացքում:

Հ. Մ. «Արարատ» Կ.-ի Կենտրոնական վարչութեան նախագահ Հենրիկ Խալոյեանի ելոյթը Արխիւայինի միջազգային օրւայ առթիւ յունիսի 9-ին տեղի ունեցած միջոցառման ընթացքում:

«Գերաշնորհ Սրբազան Հայր,

Սիրելի՛ ընկերներ,

Շատ ուրախ եմ այսօրւայ ա՛յս առիթի համար: Ինչպէս ասում են՝ մարդ էակը կենդանուց տարբերւում է հիմնականում իր յիշողութեամբ: Համաշխարհային մասշտաբում յունիսի 9-ի Արխիւային օրւայ հռչակումը իրականութեան մէջ պատահել է ոչ աւելի քան վերջին երկու տասնամեակում, հիմնականում 2005 թւականից, որն ինքնին կարեւոր հարց է բնորոշում, որ մինչ այդ միգուցէ այդքան էլ չի կարեւորւել արխիւների հարցը, թէեւ միշտ գոյութիւն է ունեցել ամբողջ աշխարհում, եւ երեւի ժամանակի համաշխարհայնացումը մի կողմից, նիւթապաշտութիւնը միւս կողմից, անհատապաշտութիւնը եւ դեռ աւելին՝ վիրտուալ աշխարհում եւ մեր իրական աշխարհի պարադոքսն ապրելը մեզ աւելին են պարտադրում, որ կարեւորենք մեր ինքնութիւնը, որովհետեւ արխիւ, յիշողութիւն, հիմնականում մեր ինքնութեան հարցերն են:

Վստահաբար բոլորս կը հաստատենք, որ 21-րդ դարում մարդ արարածը դեգերում է իր ինքնութեան փնտրտուքներում եւ տագնապ է ապրում ինքնութեան:

Իսկ մենք հայերս ու մանաւանդ սփիւռքահայութիւնը ապրելով իր հայրենքից դուրս, տագնապ է ապրում ինքնութեան եւ պատկանելիութեան զգացման պարադոքսի:

Մեր նման կազմակերպութիւնները, որոնց հիմնական առաքելութիւնը սերունդների դաստիարակութիւնն է եւ հայապահպանումը եւ ապագան, հայրենիքը եւ ազգային գաղափարաբանութիւնը տարածելու համար ստեղծւած կազմակերպութիւն է, հետեւաբար այն առանց ինքնութեան պահպանման անհնարին է:

Ես իրօք ողջունում եմ մեր Արխիւային յանձնախմբի նախաձեռնութիւնը, ողջունում եմ մեր նախկին յանձնախմբերին, որոնք հետեւողական աշխատանք են կատարել: Այս աշխատանքի յաջողութեան գաղտնիքը հետեւողականութիւնն է:

Եւ, իրօք մեզ մօտ եւ նաեւ մեր կազմակերպութիւնում շնորհակալութիւն յայտնելն ընդունւած չէ, բայց որպէս խորհրդանիշ սկսած բոլոր աշխատողներից մինչեւ բոլոր սրտցաւ միութենականներն, որոնք իրենց անձնական արխիւները յանձնել են արխիւայինի համալրման համար, ցանկանում եմ շնորհակալութիւն յայտնել: Արխիւային յանձնախմբի եւ հիմնականում ղեկավար հանդիսացող նախագահներին, որոնք այս հետեւողական աշխատանքն են կատարել, ընկեր Անետին, որովհետեւ նա նաեւ այն բացառիկ դէմքերից է, ով կանոնագրական աւանդութիւններից այն կողմ, շուրջ 20 ամեայ հետեւողական աշխատանք է կատարել, ինչն անհրաժեշտ է գնահատել: Իսկ վերջին շրջանում, Արա Ծատուրեանի հետեւողականութեան եւ աշխոյժ աշխատանքը նոր շունչ եւ աւիւն է տւել մեր արխիւներին եւ մենք շատ ուրախ ենք եւ հպարտ, որ այս միջոցառումը կարող է նախաքայլը դառնալ մեր կազմակերպութեան նախաձեռնւող ապագայ թանգարանի ստեղծման, որը ոչ թէ միայն պէտք է անցեալի յիշողութիւն լինի, այլ մեր արմատների փնտրտուքի եւ ամրապնդելու եւ դէպի ապագայ աւելի ճիշտ քայլեր կատարելու գրաւականի վերածւի: Մաղթում եմ բոլորին յաջողութիւն, յուսով եմ, որ բոլոր կազմակերպութիւնները, ինչպէս մերը՝ կը գիտակցեն արխիւների կարեւորութիւնը, եւ յունիսի 9-ի օրը հիմնականօրէն պէտք է կազմակերպութիւնների ղեկավարութիւնների ուշադրութեան յանձնել՝ բծախնդրութեան բարձրացման իմաստով եւ վստահաբար մեր ղեկավար ընկերներն, որոնց մեծամասնութիւնը ներկայ են, առաւել բծախնդիր կը հետեւեն թէ՛ անցեալի արխիւները հաւաքագրելու, թէ՛ ապագայի համար իրենց ճիշտ նախաձեռնութիւններով հարստացնելու մեր անցեալի, մշակոյթների, արխիւների մեծ շտեմարանը:

Շնորհակալութիւն բոլորին, յաջողութիւն եւ բարի վայելում ձեր յուշերին»:

 

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։