Հա

Հասարակական

21/07/2022 - 11:30

«Ինչո՞ւ մենք պէտք է ընդունենք ձանձրոյթը»․ Axios

Մեր աւելի ու աւելի աղմկոտ, զբաղւած աշխարհում հազւադէպ է ձանձրալի լինում: Բայց սովորական «ոչինչ չանելը» իր առաւելութիւններն ունի:

«alikonline.ir» - Մեր աւելի ու աւելի աղմկոտ, զբաղւած աշխարհում հազւադէպ է ձանձրալի լինում: Բայց սովորական «ոչինչ չանելը» իր առաւելութիւններն ունի, ըստ News.am-ի՝ գրում է Axios-ը։

Մեր ուղեղը հեռախօսներից անառողջ «սննդի» մշտական հոսքով՝ թւիթներով, Facebook-ի եւ Instagram-ի գրառումներով, տաբլոիդների բամբասանքներով լցնելը քիչ տեղ է թողնում ստեղծագործ եւ օրիգինալ գաղափարների համար, ցոյց են տալիս հետազօտութիւնները:

Ահա թէ ինչու մեր փոթորկոտ ուղեղի ամենաարդիւնաւէտ պահերից մէկն այն է, երբ մենք ցնցուղի տակ ենք եւ հազւագիւտ թւային դետոքս ենք ապրում:

Ամերիկացի մեծահասակների երկու երրորդը կանոնաւոր կերպով ստուգում են իրենց հեռախօսները, նոյնիսկ երբ դրա անհրաժեշտութիւնը չկայ: Խնդիրն աւելի է խորանում յաջորդ սերնդի համար՝ ԱՄՆ-ում դեռահասների ահռելի 87 տոկոսը iPhone ունի:

Academy of Management Discoveries-ում հրապարակւած ուսումնասիրութեան մէջ հետազօտողները մի խումբ մարդկանց յանձնարարել են ձանձրալի առաջադրանք կատարել՝ ընդեղէնն ըստ գոյնի տեսակաւորել: Միւս խմբին շատ աւելի հետաքրքիր առաջադրանք է տրւել։

Դրանից յետոյ իւրաքանչիւր խմբին առաջարկւել է դանդաղկոտութեան յարգելի պատճառներ մտածել: Ձանձրացող խումբը գերազանցել է իր գործընկերներին ինչպէս գաղափարների քանակով, այնպէս էլ կրեատիւութեամբ, ինչպէս գնահատել է արտաքին օբիեկտիւ խումբը:

Մէկ այլ հետազօտութիւն եկել է այն եզրակացութեան, որ ձանձրոյթը մարդկանց դրդում է նորութիւն փնտրել: Մեր մտքերը թափառում են, երբ մենք ձանձրանում ենք, եւ մենք մտածում ենք նոր բաների մասին, որոնք պէտք է փորձել:

Ձանձրոյթը նաեւ օգտակար է մեր երեխաների համար, նշում է Մանկական գիտակցութեան ինստիտուտը: Ձանձրոյթը յաղթահարելը երեխաներին օգնում է ճկունութիւն, պլանաւորման եւ խնդիրների լուծման հմտութիւններ սովորել:

Ժամանակ գտէք ձանձրանալու համար եւ տեսէք, թէ դա ձեզ ուր կը տանի:

 

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։