Հա

Հասարակական

30/08/2022 - 09:50

«Աշխարհը «ողբերգական սահմանագծի» է հասել. 2022-ին COVID-19-ից մէկ միլիոն մարդ է մահացել». ԱՀԿ

Առողջապահութեան համաշխարհային կազմակերպութիւնը հաստատել է, որ աշխարհը «ողբերգական սահմանագծի» է հասել. 2022-ին COVID-19-ից մահացութեան մէկ միլիոն դէպքի է գրանցւել։

«alikonline.ir» - Առողջապահութեան համաշխարհային կազմակերպութիւնը հաստատել է, որ աշխարհը «ողբերգական սահմանագծի» է հասել. 2022-ին COVID-19-ից մահացութեան մէկ միլիոն դէպքի է գրանցւել։

Ընդ որում, 2019-ի վերջին Չինաստանում վիրուսի առաջին յայտնաբերումից ի վեր գրանցւել է գրեթե 6.45 միլիոն մահւան դէպք։ Այս մասին տեղեկացնում է News.am-ը:

Համավարակին հետեւող վերլուծաբանների խօսքով՝ 2022-ին մահւան դէպքերի ճնշող մեծամասնութիւնը գրանցւել է ԱՄՆ-ում (217.627), որին յաջորդում են Ռուսաստանը (72.556), Բրազիլիան (63.866) եւ Հնդկաստանը (45.786)։

ԱՀԿ-ի գլխաւոր տնօրէն, դոկտոր Թեդրոս Ադհանոմ Գեբրէյեսուսը յայտարարել է, որ աշխարհը չի կարող պնդել, որ «սովորում է ապրել covid-ի հետ», երբ դեռ տասնեակ հազարաւոր մահւան դէպքեր են գրանցւում՝ չնայած դրանց կանխարգելման համար անհրաժեշտ բոլոր գործիքների առկայութեանը։

ԱՀԿ-ն երկրներին կոչ է արել կորոնավիրուսի դէմ պայքարին ուղղւած «համաչափ» քայլեր ձեռնարկել, շարունակել թեստեր առաջարկել, ընդլայնել կենսական կարեւորութեան դեղամիջոցների հասանելիութիւնը եւ ակտիւացնել պատւաստումները:

Երկրների մեծ մասը թուլացրել կամ վերացրել են սահմանափակումները, ինչպիսիք են դիմակները եւ թեստերի սահմանափակ հասանելիութիւնը՝ պատւաստումների արշաւների յաջողութեան եւ աւելի խնայող «Օմիկրոն» շտամի առաջացման շնորհիւ:

Աւելի վաղ ԱՀԿ ղեկավարը կոչ էր արել երկրներին մինչեւ յունիսի վերջ պատւաստել իրենց բնակչութեան 70 տոկոսին։

Չնայած շատ երկրներում թեստաւորման մակարդակի կտրուկ անկմանը՝ այս տարի գրանցւել է բոլոր դէպքերի մօտ կէսը:

«Օմիկրոն» շտամով վարակման դէպքերը կազմում են վերջին 30 օրւայ ընթացքում հաւաքւած վիրուսի նմուշների 99 տոկոսը։ Դրանցից «Օմիկրոն» ենթատեսակը շարունակում է գերիշխող մնալ՝ 74 տոկոս։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։