Հա

Հասարակական

You are here:Գլխաւոր էջ»Լուրեր»Հասարակական»Հայոց լեզւի անաղարտութեան պահպանման անհրաժեշտութիւնը՝ «Նոր մտքի» հանդիպման առանցքում
بانک صادرات ایران
23/10/2022 - 13:50

Հայոց լեզւի անաղարտութեան պահպանման անհրաժեշտութիւնը՝ «Նոր մտքի» հանդիպման առանցքում

Հայոց լեզւի անաղարտութեան պահպանման անհրաժեշտութիւնը՝ «Նոր մտքի» հանդիպման առանցքում

Երէկ՝ հոկտեմբերի 22-ին, Հ. Մ. «Արարատ» Կ.-ի «Մաջնունեան» սրահում տեղի ունեցաւ Հ. Մ. «Արարատ» կազմակերպութեան «Նոր միտք» նախաձեռնութեան հաւաք-հանդիպումը «Հայերէն լեզուն, Սփիւռքը, հայկականութիւնը, ո՞ւր ենք գնում» թեմայով, որի օրւայ բանախօսն էր գրող, թարգմանիչ Նորվան Միքայէլեանը:

«alikonline.ir» - Երէկ՝ հոկտեմբերի 22-ին, Հ. Մ. «Արարատ» Կ.-ի «Մաջնունեան» սրահում տեղի ունեցաւ Հ. Մ. «Արարատ» կազմակերպութեան «Նոր միտք» նախաձեռնութեան հաւաք-հանդիպումը «Հայերէն լեզուն, Սփիւռքը, հայկականութիւնը, ո՞ւր ենք գնում» թեմայով, որի օրւայ բանախօսն էր գրող, թարգմանիչ Նորվան Միքայէլեանը:

Նախագծի սկզբում «Նոր միտք» նախաձեռնութեան անունից օրւայ նիւթը եւ բանախօսի կենսագրական տւեալները ներկայացրեց դոկտ. Շանթ Բաղրամեանը, մասնաւորապէս նշելով, որ «Նոր միտք» նախաձեռնութեան նպատակն է իր շուրջ համախմբել հասարակութեան լայն շերտերին, ամենատարբեր ոլորտի քննարկումների իրականացման նախագծերով:

Միջոցառմանը ներկայ էին Հ. Մ. «Արարատ» Կ.-ի Կենտրոնական վարչութեան անդամները, Թեհրանի Հայ Դատի յանձնախմբի անդամ Շաքէ Աւետեանը, Թ.Հ.Թ. Կրթական խորհրդի փոխնախագահ Կարինէ Բալըքչեանը եւ մասնակիցներ:

Հանդիպման ընթացքում օրւայ բանախօսը համապարփակ անդրադարձաւ հայոց լեզւի անաղարտութեան պահպանման անհրաժեշտութեանը: Հայոց լեզւի պահպանման վերաբերող ելոյթներով հանդէս եկան ծրագրի մասնակիցները:

Միջոցառման ընթացքում օրւայ բանախօսը մասնաւորապէս, կարեւորեց խմբային մտածողութեան զարգացման՝ արւեստի, մշակոյթի, կրթական ոլորտների եւ հասարակութեան դերակատարութեան բարձրացման անհրաժեշտութիւնը՝ հայոց լեզւի իմացութեան մակարդակի բարձրացման ուղղութեամբ:

Նշենք, որ Նորվան Միքայէլեանը ծնւել է 1963 թւականին Իրանի Ղարադաղ գաւառում: Աւարտել է Երեւանի պետական համալսարանի բանասիրական ֆակուլտետը: Շուրջ 25 տարի է ինչ դասաւանդում է Թեհրանի հայոց դպրոցներում, որպէս հայոց լեզւի եւ գրականութեան ուսուցիչ: Դասախօսել է Իսլ. Ազատ համալսարանի հայոց լեզւի եւ գրականութեան ամբիոնում, ինչպէս նաեւ՝ Թեհրանի հայրենագիտական երեկոյեան դասընթացներում:

Արժանացել է Մովսէս Խորենացու անւան շքանշանին: Մինչ այժմ հրատարակել է բանաստեղծութիւնների 3 գիրք եւ մէկ վիպակ՝ «Այստեղ ձիւները չեն հալչում» խորագրով: Թարգմանել եւ հրատարակութեան է յանձնել «Ահմադ Շամլու»-ի բանաստեղծութիւնների ընտրանին: Նորվանից տասնեակ յօդւածներ են լոյս տեսել հայկական մամուլում:

 

Լուս.՝ ՀԱՏԻՍ-ի

 

Image Gallery

View the embedded image gallery online at:
https://alikonline.ir/news/social/item/78749-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProIdbc0af7acba

Յարակից լուրեր

back to top

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։
Ալիք Օրաթերթ